【 夢想星球光影互動展｜拍出夢幻一刻 】 上一篇同大家分享左馬灣「挪亞方舟主題公園」的遊玩設施，當中我最鍾意的「e-Planet 夢想星球」真係夠晒特別，特別在影相勁靚呀！   呢個展館係以大自然為主題的光影互動展館，分成森林、海洋、四季和未來城市四個展區，各有特色。每個展區有多個互動遊戲，可以俾我哋邊玩邊認識大自然。   躍動之森 Aidan好鍾意呢個展區，因為可以同地下的田鼠互動，好似玩緊扑傻瓜咁，好有趣。 中途仲會突然出現好多垃圾，要合力清理場內的垃圾，先可以再次見到美麗的森林和動物呀！可以俾哥哥認識到保護地球的重要性，教佢要好好珍惜眼前美麗的景象。   藍色奧秘 4分鐘的 3D 影片（但我哋唔知邊度有3D眼鏡拎，所以無帶） 影片會帶領我哋潛入美麗的海底世界，一齊睇下壯觀的海洋，又會俾小朋友睇下如果海底世界滿佈垃圾會係幾可惜。       千色四季 我最愛的展區，可以瞬間體會到四季分明的獨特景色，有開滿花朵的春天，滿佈螢火蟲的夏天，紅葉飄飄的秋天和可以睇到北極光的冬天。呢個區影相最靚，好特別，如果著白色衫效果會更好。 春天   夏天   秋天 和 冬天   未來城市 對於鍾意填色的Aidan，呢個區就啱哂佢啦，可以係特定的畫紙上設計出自己的車車，直升機或機械人等，之後再用場內 scanner 掃瞄作品，就可轉化成立體影象投射在巨型屏幕上，睇到自己創作的車車係城市上行走，都幾有趣架！ ～～～～～～～～～～～～～～ 挪亞方舟主題公園」 時間: 上午10時至下午6時 地點: 香港新界馬灣珀欣路33號 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com