【 嘆番餐海陸滋味盛宴 】 今個星期就係母親節，老公係香港百樂酒店 Park Cafe book左枱同我食自助晚餐慶祝（突然間又會咁識做既），Aidan就有口福啦，可以同我哋一齊去食大餐。   餐廳環境乾淨舒服，我哋被安排一張四人枱，枱與枱之間都有足夠的距離，我見自助取餐區都有定時更換和清潔消毒餐具及用具，咁就食得安心啦！ Park Cafe自助餐今期的主題係「和牛花膠海鮮之夜」，食物款式選擇都好多呀！當中最吸引的一定係肉質鮮嫩的澳洲和牛及膠質豐富的花膠，回本之選！     *安妮媽媽重點推介*  松露野菌花膠炒魚塊，花膠軟腍入味，魚塊味鮮肉嫩，好好味。   酥皮花膠海鮮龍蝦湯，勁足料的海鮮湯！入面有花膠、小龍蝦、青口、蜆、魷魚和海蝦等，啖啖都食到海鮮，加上鬆脆可口的酥皮，勁正！   和牛粒鴨肝蔥粒炒飯，和牛肉質細膩，鴨肝勁香，呢款炒飯真係好惹味，令人食指大動。   中式清湯炆和牛腩，和牛坑腩 肉質肥美，口感鬆軟，湯味鮮甜。   老公對海鮮拼盤最感興趣，當中的加拿大鱈場蟹腳、法國麵包蟹和紐西蘭青口食完一轉又一轉，仲有即切日式刺身，限時供應的香脆豬腩配自家制蘋果醬和片皮鴨都非常吸引呀！即製中式湯粉麵就啱哂鍾意食麵的哥哥。   限時供應的火焰雪山，Aidan睇到呆左，哈哈！     全晚哥哥食得最多的就係超過10多款的甜品和水果，當然仲有勁正的瑞士MOVENPICK雪糕，我地試哂10幾款口味，過足口癮呀！最後我仲要試埋現場即製的花膠椰汁燉蛋白和即焗芝士蛋白撻，為今餐畫上完美，實在太滿足啦！ ～～～～～～～～～～～～～～～ 「和牛花膠海鮮之夜」自助晚餐優惠  - 供應時間即日起至9月2日 - 生日優惠： 每4位惠顧自助晚餐，1位當月的生日之星可免費享用1次，並獲贈指定蛋糕乙件，同行賓客可享8折優惠。 - 長者小童優惠： 65歲或以上長者可享65折優惠，6至11歲之小童可享半價優惠，6歲以下小童免費；惟不適用於指定日子。 - Facebook優惠： 只須「讚好」香港百樂酒店Facebook專頁，並出示Facebook優惠券，即可享7折優惠 (折扣及加一後星期一至四成人每位HK$414.4；星期五至日、公眾假期及前夕成人每位HK$438.4)     **優惠不可與其他優惠同時使用；所有價格需另加一服務費，並以原價計算。   香港百樂酒店 地址 : 尖沙咀漆咸道南61-65號香港百樂酒店4樓Park café www.parkhotelgroup.com/zh/hongkong/park-cafe  ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com