龍鳳寶寶????第一次挑戰去較遠嘅離島旅行 (之前嘅愉景灣同馬灣，對我哋黎講，交通較方便。) 我哋選擇去較少人嘅寧靜文青小島~坪洲遊玩。 本來想搭10:20班船，但豬隊友遲咗起身，所以最後搭遲一班，搭11:05班船。 http://www.hkkf.com.hk/index.php?op=timetable&page=pengchau&view=screen&style=tc 我哋10:40到達碼頭，但都已經見到唔少人係度排隊。 (所以應該都唔會真係好少人，只會係相對較少人吧!) 上到船，諗住坐窗口位俾小朋友睇吓風景????，但由於生得太矮，坐係度係睇唔到????????。 大約40分鐘嘅船程，冇得望風景，咁唯有看圖書????。 (但其實又驚睇玩眼，所以依程船有少少難挨。仲好「浪」吓，會暈船浪嘅要食定止嘔丸啊!) 11:45左右到達坪洲碼頭，因怕多人爭位食飯，所以先搵餐廳食午餐。 ~第一站~文青café 孖媽最鐘意去文青cafe--Island Table Grocer Cafe食蛋糕和飲咖啡扮年青。 ~肉醬千層意粉 ~坪洲至尊 ~Cappuccinno ~自家製檸檬特飲 ~蕉糖芝士蛋糕 食物質素唔錯，尤其肉醬千層意粉不會感到太膩。 喺我哋用餐期間，已見到好多人門外排隊，好彩我哋早入。 (建議到12:00前坪洲，先食午飯，再四周遊玩) ~第二站~南乳芝麻餅店(麵飽舖) 南乳芝麻餅非常鬆化可口。(果然是坪洲名物) ~第三站~秘密花園 以前係牛皮廠，製作皮類製品，佔地約4萬餘尺。依家係三級歷史古蹟，活化成一個藝術花園，四周充滿由廢物造成嘅藝術品。 而且仲有烏龜同魚睇~小朋友睇得好開心~ 穿過秘密花園，係另一個門口咁啱見到有人舞獅，小朋友第一次睇，好興奮。 原來穿過秘密花園，可以去到東灣沙灘。 ~第四站~東灣沙灘 不過當日真係好熱好曬，沙灘上完全冇位可以遮蔭，所以小朋友玩咗一陣，我哋就返番入小街度行。 (本來仲諗住行山，但當日氣溫成29度，而且萬里冇雲，所以放棄咗喇) ~第五站~茶屋達磨 買咗2杯飲品(抹茶鮮奶和熱情果茶)同埋焙茶法式燉蛋。降吓溫同埋休息吓。 (注意店舖只有門外的木櫈) 休息完，繼續遊玩。 ~第六站~仙姊廟 沿著海邊行去仙姊廟，在小山坡上，外形特別。 仙姐廟係香港僅餘兩間保留拜七姐習俗嘅古廟之一，據聞求子相當靈驗。(不過我2個夠哂數) https://www.discoverhongkong.com/tc/interactive-map/seven-sisters-temple.html?fbclid=IwAR13HW_e18d8n0Pw50yDqD3C0x9PnRmzGxjB7QiR8J8brEarbxrvO10-RWw 以上係其中一個說法，亦有其他說法係求姻緣。 求甚麼也好，信則有，不信則冇。 而且不同人有不同宗教信仰，只係當作景點看看也不錯。 ~第七站~大利 再行去坪利路過對面嘅小島，見到海上有好多水母。 坪利路行到最盡嘅右方有個小沙灘，有遮蔭。 如果小朋友要玩沙，這裡唔錯呀~ 而且仲有一些舊玩具和車呔整成嘅鞦韆。 用嚟打卡都唔錯，但自行判斷俾唔俾小朋友玩，因始終有點殘舊。 ~第八站~坪洲遊樂場 最後我哋去返碼頭附近嘅海邊遊樂場玩。 小朋友始終都係鐘意去遊樂場，雖則冇乜特別，但有得溜吓滑梯已經好開心。 原來除咗可以搭船返中環外，仲可以搭船去愉景灣呀!!!! 船程只須10分鐘，如果由愉景灣返屋企不太遠嘅話，可以考慮吓~ https://hkferry.fandom.com/zh/wiki/%E5%9D%AA%E6%B4%B2%E8%A1%97%E6%B8%A1%E5%9D%AA%E6%B4%B2%E8%87%B3%E6%84%89%E6%99%AF%E7%81%A3%E8%88%AA%E7%B7%9A 上船位置:坪洲街渡碼頭(坪洲市政大廈對出) 依架船冇冷氣，但好通風~小朋友好鐘意坐，因為可以睇到外面個景~???????? 好快就到偷景灣，食埋晚餐就返屋企，結束離島一日遊。 多謝您的讚好，不論文章或是專頁，作為一點動力，非常感謝您。 歡迎讚好專頁得到更多免費資訊 更快緊貼我們的最近動態 ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82 唔好錯過以下文章啊 其他創作文章(包括40+個好去處): https://www.facebook.com/Miss.swanswan/posts/341412797292614 #親子活動 #親子好去處 #hkmummyblogger #親子博客 #媽媽日常 #媽媽日記 #親子日常 #HKMAMA #hkkids #kidslife #育兒日記 #育兒日常 #香港媽媽 #龍鳳胎 #littletwinstars #雙胞胎 #香港好去處
