【有興趣了解詳情請FB post內留個言（https://www.facebook.com/laiwaipapa/）】 早前去咗一間暫時喺網上有口皆碑嘅 #Playhouse，作為本地嘅 #親子場地 而言，實在相當不俗，網上亦不乏相關嘅介紹。所以呢，為免重覆寫類近嘅文章，不如藉此輕輕講講點解作為遊戲場地嚟講點解我認係 #吸引。 鼓勵自由探索嘅行為 毫無疑問，#幼兒學習 由 #遊戲 開始。場內有唔少設施對小朋友嚟講係新鮮嘅，包括色彩繽紛嘅 #繩網陣，引人注目之餘又可以促進小朋友進行 #自由探索 嘅行為。另外，場內有個幼兒#STEAM 專區，以投入波波形式觀察波波在管道內移動方向，輕輕打開STEAM學習嘅大門。 繩網好吸引，連我都想玩埋一份，「重拾昨天，樂趣一堆」 幼兒STEAM 專區，呀仔自得其樂   不太設限的場內場外環境 雖然我人懶隔好耐先寫一篇post，但我對 #沙池 仍然印象深刻，因為呢度暫時係我兒唯一會肯去接觸沙嘅地方。學者話，良好嘅環境可以促進 #兒童 嘅 #學習發展 同 #提高玩樂投入度，並有助課堂管理同實現學習目標。沙池入面有唔同嘅堆沙工具、大小玩具、平地沙丘仔連滑梯，小朋友可以自由選擇「玩啲咩」同「點樣玩」，提高 #發現式學習 (Discovery Learning)嘅成效。 與此同時，場地臨海而立，#海景 景觀開揚，係同類場地中少有嘅。 場內沙池踩落好滑好舒服 貧窮限制咗我嘅想像，估唔到香港有海景playhouse   琳瑯滿目嘅遊戲選擇 嘻，簡單一句，兩個鐘其實真係唔夠玩。 呀仔自己玩得好投入 都係基本野，但幾新幾乾淨 常見於playhouse嘅基本玩具也齊全，但不常見於playhouse嘅玩樂設施也在此找到   據說呢度定期仲有 #繪本故事 分享會、#烹飪工作坊、#幼兒playgroup，以及 #節日 限定活動之類，歷舊嚐鮮。 【同場加映太太短評】：唔止小朋友開心，大人都可以放鬆下。場地採光光線充足，部分位置有落地玻璃同好多座位，可以俾爸爸媽媽一邊放養小朋友，望山望海坐低休息下。 有興趣了解詳情請FB post內留個言（https://www.facebook.com/laiwaipapa/）～ #23M #幼兒 #幼兒成長 #育兒日記 #泥圍爸爸 舊文重溫 【育兒時光】人煙稀少既半粒星元朗非熱門行山路線（http://bit.ly/3syDalL） 【育兒時光】屯門波蘿山至下白泥的祕景（http://bit.ly/3nYayyL） 【育兒時光】屯門藍地水塘值得順便去打卡嘅地（https://bit.ly/2MMLWvJ） 【育兒時光】大小朋友都會喜歡的公園（https://bit.ly/32ibBRT） —————————————————— 泥圍爸爸的育兒時光 FB：https://www.facebook.com/laiwaipapa/ IG：https://www.instagram.com/kennethlaife/ MamiBuy：https://mamibuy.com.hk/home/17655/