【  安妮媽媽親子教室。黏土小熊 】 最近同Aidan睇繪本圖書時，佢都對書中的情節好感興趣，佢有時會將喜歡的場景繪畫出來，今次我就教佢把其中一個佢好鍾意的情景用黏土創作出嚟，佢勁開心呀！ 我哋會先觀察書中繪圖的細節，之後再動手創作，Aidan對於可以將喜歡的角色和情景創作出來覺得好有成功感呢，佢而家每次讀呢本圖書都會拎埋個作品出嚟伴讀！   你哋小朋友有無喜歡的繪本呀？同佢哋一齊把書中情節呈現出嚟啦！   ========================== 創作過程: - 用水彩為紙碟塗上湖水的顏色 - 用卡紙卷成長條形造樹木 - 用啡色輕黏土包住卡紙創作木頭，之後再係黏土上印出樹木的木紋。   - 用輕黏土創作小熊，如果想造型更加穩固，可以在小熊的頭和身體中間加一枝小牙籤。 - 把小熊貼在木頭上 - 用輕黏土創作荷葉和荷花   **安妮媽媽溫馨提示: - 想紙碟顏色快d乾可以用風筒吹乾。 - 唔想用太多黏土的話，可以在身體和頭部裡面加發泡膠球，造型都會靚d。 - 要等輕黏土乾透先好玩呀，如果唔係黏土會變形架。   ========================== 希望大家喜歡今次的親子創作分享啦。 材料: 水彩，輕黏土，發泡膠球，白膠漿 紙碟，牙簽，卡紙 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com