各位媽媽們 好耐無update呢個blog喇! 因為在職 媽媽既我實在太忙, 每日時間都唔夠用呀! 所以好多時想分享一下都有心無力了...哈哈 隨住Matt豬愈黎愈大個仔(已經16 個月大喇), 我地每個星期日/假期都必定會帶佢出去看世界一下, 因為日日困係屋企都唔係辨法>.< BB成長真的好需要到外面探索, 有助發展 而今次想分享一下既就係 >Matt豬去Camping< 露營車初體驗（3月去的）   等可以搭飛機去旅行真係唔知等到幾時....之估唔到一家三口第一次去旅行就係露營車. 哈哈 雖然只係兩日一夜，但真係未出發先興奮！大家都好期待（實在太耐無去旅行喇????） 一去到當日已經有種去左旅行既感覺 好正呀!! 營地地方夠大又空曠好舒服丫（當日好涼爽） 一片大草地比小朋友可以任跑，任走，任玩 又可以踩單車，踩滑板車， 踢波， 放風箏，吹泡泡 都好岩架! (媽媽們記得準備架生帶去玩喇. 哈哈)    Matt豬當日開心到飛起呀，不停周圍走，追到我腰斷...睇下啲相好多張無影手無影腳就知喇..    營內有一個跳彈床，一個韆鞦(排住追仔, 無影到相....)，同埋幾架較舊既滑板車(唔介意可以任玩的)～ 重有好鍾意呢度分左幾個area, 基本上唔會同其他營友太近接觸，私隱度都好ok呀! 最最最正係大人又可以不停bbq丫! 由黃昏燒到夜晚12點 （自帶食物或預訂都得/或隔離泰Cow餐廳晚餐都得） 所以大人小朋友都玩得好開心!      營車內環境+設備, 整體都係乾淨+新淨 (特別一提如果對竉物有敏感人士, 就要BOOK非寵物住既車呀):     最後結論: 想體驗露營但又唔識紮營既朋友仔就去露營車啦hahaha~~  一家大細/三五知己都好岩去呀！ 我地已經Book左8月再去喇 期待下次住觀星車再同大家分享啦~~  詳情睇相吧~~（影相都十分靚的）    溫馨提示: 預約期好full，如想星期六日去，真係要預早幾個月book呀！ 地點: PARK Nature 世外公園 入營時間：4:00pm / 退房時間：12:00 noon 營內有熱水沖涼，熱水煲，雪櫃，電視，但要自備日用品 免費泊車 期待下一次同大家分享更多媽媽日常! 以上純粹本人分享，大家可以自行評估適合/不適合喔~~(如有問題, 歡迎PM我) 歡迎FOLLOW INSTAGRAM / FACEBOOK 交流更多懷孕/育兒心德~ MATT豬媽媽日常生活可關注: INSTAGRAM / FACEBOOK 歡迎產品試用/邀犒合作/活動邀請: EMAIL chuimei_chung@yahoo.com.hk