無諗到自己寫嘅第一篇文章係關於母親節 前兩年女女仲係比較細個，未知咩係母親節，所以前兩年嘅呢個節日，其實我感覺並唔大，只會覺得：「啊，原來已經做咗人地媽媽兩年喇」。 而今年嘅母親節，感覺唔同咗好多。因為女女依家3歲5個月，已經返緊K1，老師係學校有教佢地5月9號係咩節日，女女仲係母親節前兩日放學嘅時候，送咗一個母親節嘅手作俾我，個下收到嘅時候，的確 .. 係會有啲感動眼濕濕嘅感覺hahaha 母親節前一日，老師突然間send咗段錄音俾我，原來係女女同成班同學唱首關於母親節嘅歌。聽完之後，女女仲話呢首歌係送俾媽媽㗎，個一刻心都溶哂 之後個幾日，女女都不停loop住咁唱俾我聽，每聽一次都覺得好窩心好好聽！ 今年嘅母親節，平淡但很幸福。