【 空中花園上的太空樂園 】 每次去荃灣廣場行街一定會帶小朋友上5樓的空中花園玩，果度有個「太空樂園遊樂區」，一個都算大的公園，有好多攀爬遊戲，有兩組滑梯，鞦韆，搖搖板，車車和氹氹轉等，都幾多野玩，兩兄弟都玩得好開心。   **但大家要注意的係，遊樂區喺空中花園上，全部都無瓦遮頭，一定要做足防曬措施，亦都要注意遊樂設施表面的温度，我地11點去到玩，滑梯上面已經覺得好熱，好多設施扶手都好辣手，小朋友玩唔到。第二轉4點再去玩就好好多，不過天氣太熱，小朋友玩完再入番商場要記住抹乾身體，一冷一熱小心凍親呀！ - 荃灣廣場L5空中花園 - 放開時間10點30分-8點 - 清潔時間2點-2點30分 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com