尋日去咗「迪士尼樂園」會員限定的 ❄️A Frozen concert - from Arendelle and Beyond 魔雪奇緣音樂會-從阿德爾出發❄️ 小米做好準備著晒靚靚Elsa裙參加音樂會 本身拎左一條普通裙仔比妹妹，點知悠b見到家姐著住Elsa裙後竟然話… 妹妹： No,要Elsa 米媽：……………=_____= 妹妹仲早過家姐迷上Elsa   講返音樂會先～ 米媽於第一日開始預約時就立刻衝上官網預約❤️ 幸好仲有心水日期同埋時間可以揀 由5月15日開始至5月30日，逢星期六，日，每日5場，每場大約25-30分鐘 其實都好多時間日子選擇，不過幾小時後已全部日子、場次爆滿了   當日活動： 我地book了第一天5月15日5:45場次 （打字出黎先發現咁多個5字） 選擇呢一場既原因係預算妹妹午睡後就去睇 有咁細個既BB就是要小心安排午餐/午睡時間  以免佢miss左咁重要既一環   我地喺開場前才剛好到達，結果座位被安排得比較側，座位都是由職員安排，跟返入場次序坐 建議開場前早啲入場，就有機會坐到較前及中間位置，因為開場後大部份的Frozen忠粉見到經典場面都會忍唔住高舉電話，坐太後就會被遮擋視線   音樂會內容係演唱者由Frozen 1唱到Frozen 2耳熟能詳既歌曲，而歌曲及人物出場次序都係跟據故事發展來演唱既 所以Frozen忠粉一定聽得好開心❤️ 每逢一響起Elsa出場既音樂，全場氣氛高漲，連妹妹悠B都立馬踩住我大脾站起來 Elsa既威力果然係唔同啲   可能有人睇完會覺得淨係見到Elsa出黎揮下手轉2個圈好兒戲，但我覺得所有表演/演唱者都非常落力演唱，而且多重和唱同埋佢地唱live的功力都足以值回票價（更何況是不用另外購票的活動） 每一首歌，每一小節既表演都令人回想起戲內的畫面，無悶場！好好聽 最重要係小朋友睇得非常開心，仲跟住一齊叫，一齊唱 希望遲啲再會開放多啲日子比未book到既朋友仔去欣賞啦