依個優惠係乜東東? 等我解釋吓~ 其實康文署一直有做開博物館通行證~ 博物館通行證收費 門票種類 +全年票價 家庭通行證(最多四人、須為親屬) 100 元 個人通行證 50 元 優惠通行證 (只適用於全日制學生、殘疾人士、60 歲或以上高齡人士) 25 元 計落一家大細買家庭通行證係最抵。 可以走勻香港康樂及文化事務署轄下嘅博物館，包括 香港歷史博物館 、 香港文化博物館、 香港藝術館、 香港太空館 、 香港科學館 等 。 ~~~小朋友四歲以下免費~~~~ 三年前，我已經有做過家庭通行證，但由於龍鳳寶寶只得一歲多，所以可以免費入場。 家庭通行證包四張證，所以我和老公夾埋我妹妹同妹夫。 當年仲抵，有海洋公園全年證，有9折優惠(2位小朋友未夠四歲免費入場)，一家四口45蚊咋。 當年舊文重溫~原來我一向都咁慳家。 ~~抓緊暑假尾巴-同小朋友3大暑假必做嘅事-把握最後機會享受親子樂~~ https://mamidaily.com/article/33588/%E6%8A%93%E7%B7%8A%E6%9A%91%E5%81%87%E5%B0%BE%E5%B7%B4-%E5%90%8C%E5%B0%8F%E6%9C%8B%E5%8F%8B3%E5%A4%A7%E6%9A%91%E5%81%87%E5%BF%85%E5%81%9A%E5%98%85%E4%BA%8B-%E6%8A%8A%E6%8F%A1%E6%9C%80%E5%BE%8C%E6%A9%9F%E6%9C%83%E4%BA%AB%E5%8F%97%E8%A6%AA%E5%AD%90%E6%A8%82 不過當年係海洋公園全年證先有9折優惠，所以家庭通行證只售90元。(阿囝著住件小熊貓衫代表住當年個海洋公園優惠) 但依家個優惠，我見持有迪士尼全年證先有9折，所以申請時記得帶埋張迪士尼全年證啊~(阿囡著到米妮咁配合返個主題) ~申請方法~ 1) 可以網上填form，然後寄e-mail俾六間其中一間博物館(14 日內到揀選嘅博物館拎取)。 2) 當日係counter拿form，即時填和交。 https://www.lcsd.gov.hk/tc/facilities/facilitieslist/museums/pass.html 我係之前已send e-mail ，當日話俾職員知，就即時print份form俾我，再去另一邊交錢就完成。 睇返自己邊樣方便~ 當日見到好多人即場填form~從來未見過咁多人排隊申請。 可能大家都諗住夏天，都係玩吓室內活動。 但真正張通行證要14 日後先可以返黎科學館拿，暫時用住收據代替通行證。 三年前，我係自己屋企print份form，填完，再連埋支票寄去。 14日後，可以即刻拿到通行證。 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 科學館有乜睇? https://hk.science.museum/zh_TW/web/scm/index.html 科學館展品嘅設計令小朋友從遊戲中學習，非常之有趣。 另外，機械人的500 年專題展覽至到 26/5/2021。 博物館通行證持有人喺有效期內可無限次免費入場參觀以下收費嘅展覽： ~香港科學館 「機械人的五百年」（2020年11月13日至2021年5月26日）及 「彼思動畫的科學秘密」（2021年7月30日至12月1日） ~香港藝術館 「超現實之外——巴黎龐比度中心藏品展」（2021年5月21日至9月15日） ~香港文化博物館 「香港賽馬會呈獻系列︰聖耀皇權——俄羅斯皇家珍品展」（2021 年5月29日至8月29日） 所以申請張通行證真係好抵，絶對係 慳家媽媽 之選! 不過我嘅小朋友對於機械人展覽嘅興趣不大，佢哋有少少驚。 地球科學廳 可以認識我們的家，又有不同嘅互動遊戲，從而認識地動山搖和海嘯等。 仲有部新機可以感受颱風下嘅威力，最高會製造75分貝嘅聲浪。 當時我同阿囡入去玩，風力比想像中低，所以唔使咁擔心。 (我用手機影抵咗阿囡嘅情況，隊友係出面影我同阿囡) https://youtu.be/7SJFwv1gY1c 能量穿梭機 自己真係由細睇到大，小朋友最鐘意睇。 兒童天地 因疫情關係，仍然暫停開放。 3年前嘅小bb當年玩得好開心。 希望疫情快快過去。 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 我哋由十點幾玩到十二點，出去尖東食完pizza，仲去埋市政局百週年紀念花園行過些嘅遊樂場放電。 其實兩個pizza有乜分別?? 隊友負責叫咗兩個pizza，佢話2個唔同款。 但我只分到一個大d, 一個細d,同埋一個有塊葉,一個有粒野...哈哈~ 個遊樂場可能比較適合年紀較大嘅小朋友。 年紀較小嘅可以考慮去Hotel Icon 隔離個遊樂場(但比較曬)。 放完電，小朋友話要入返科學館再玩，因為未玩哂。 多謝您的讚好，不論文章或是專頁，作為一點動力，非常感謝您。 歡迎讚好專頁得到更多免費資訊 更快緊貼我們的最近動態 ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82 唔好錯過以下文章啊 其他創作文章(包括40+個好去處): https://www.facebook.com/Miss.swanswan/posts/341412797292614 #親子活動 #hkmummyblogger #親子博客 #媽媽日記 #parentingblogger #親子日常 #HKMAMA #hkkids #kidslife #育兒日記 #育兒日常 #香港媽媽 #龍鳳胎 #littletwinstars #雙胞胎 #龍鳳孖媽 #夏日活動 #親子好去處 #雨天活動 #炎夏活動 #夏天活動
