【 乾淨高質的室內感官遊戲室 】 同大家推介一間Aidan最近去過的Playhouse，唔單止好玩，而且真係勁乾淨呀，場內好光猛舒服，媽媽們陪玩心情都靚靚！設施玩具都保養得好新淨，仲好整齊，動態和靜態的遊玩設施都有，小朋友玩得好盡興，真係好多謝「Findmyplay.com 童搜遊」的邀請呀！     除咗小朋友喜歡，媽媽們影相都影得好開心，場內開揚和特別的設計令打卡位都幾多，影出嚟d相好溫馨。   仲有我哋勁欣賞場內職員姐姐的愛心和耐性呀，佢會好主動教小朋友點樣玩，會鼓勵佢哋勇於嘗試，真係加哂分呀！ 「Happy Theory Playhouse」位於荃灣海之戀，西鐵一出行5分鐘就到，地點好方便！   Aidan和朋友一去到就對果座透明的高空隧道最感興趣，一枝箭就走左上去玩，雖然第一次玩的時候因為係透明又好高有d驚驚，但係職員姐姐的陪同和鼓勵下，兩個都成功克服到，仲越玩越叻叻。呢個透明隧道的設計係由幾個大型蜂巢形狀組合而成，入面有好多攀爬設施，可以訓練小朋友的手眼協調和平衡感。     仲有隔離條滑梯，唔好睇少佢呀！瀡落嚟相當有速度感，好刺激架！可以訓練小朋友的膽量。   好多元化的攀爬區   「木粒沙池」又係好好玩的一區，佢哋會用鏟泥玩具和運貨車一齊玩，扮建築地盤，好攪笑。池內的木粒質量好好，好平滑，完全沒有刺，家長可以好放心俾小朋友玩。   「夢幻的迷你廚房」入面的廚具都係木製的，質素高。呢個區我地幾個媽媽陪玩特別落力，因為廚房的裝備實在太完善，另外仲有雪糕車，蛋糕車等，好玩到媽媽們都要參與。 其他遊戲設施   另外要讚一讚佢哋的防疫措施做得好好呀！入場除咗量體溫和消毒雙手，連著緊襪的腳板都要消毒乾淨先可以入場。人流管制做得足，需要分時段進場，每個時段為1小時，每節只限10-12個小朋友和家長，每個時段中間都會用Dermodacyn消毒液霧化全場，人數少又清潔得乾淨，小朋友就可以放心盡情玩啦！   呢間playhouse都好適合幼小的BB玩，下次一定要帶埋弟弟再黎多次，有咁多野玩佢實好開心啦！  ～～～～～～～～～～～～～ ｛ Happy Theory Playhouse ｝ 地點：荃灣海之戀商場3014-3015號（荃灣西C出口） 開放時間：10:30-20:00 電話：2886 0826 收費： 成人一次性收費$60，小童(6個月至8歲)首半小時$80，其後每半小時$60。 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com