朋友介紹，去咗人氣雞煲店- 米走雞 食雞煲 嚟到緊係要試 #招牌 #黃金芝士雞煲，芝士份量仲有得揀，由「小量」到「激量」 我哋係cheese lover，就叫咗「激量」 雞煲嚟到見到有大量碎芝士係雞煲????面，配上洋蔥、中芹、芫荽，開咗爐一陣，已有陣陣芝士香味飄出，香噴噴~ 當用筷子夾雞件時，已有芝士拉絲效果，未食已流口水。雞件嫩滑，加上濃郁嘅芝士溶咗係雞件表面，簡真係味蕾大享受，大讚，而且雞煲份量都多，抵食 食完雞煲加清湯就可以打邊爐，食物推介： - 特級雪花肥牛- 肥牛脂肪分布平均，唔油膩，陣陣香濃牛味 - 脆鯇腩- 差唔多8-10片嘅份量，幾抵食！脆鯇腩爽口、彈牙，我嘅至愛 - 竹笙墨魚滑- 非常有創意，係竹笙裏面填咗墨魚滑，墨魚滑彈牙好味 米走雞 地址：觀塘興業街4號The Wave 3樓