終於幫姐姐搞掂自行續約啦!! 其實都好容易~ 而且價錢仲平好多~total $506蚊咋! 問過agent要收2XXX=.=” 而家續約程序係簡便左~ 分享下今次(2021年5月)續約既step~ (唔知幾時會再變，所以之後唔update既唔好意思啦!) 首先去香港入境處拎1式4份既藍紙外傭合約(407) 上網download : 988A form, 988B form, 承諾書 填好4樣野，再scan 連埋姐姐身份證，passport (有相page + 舊visa page) 留意返有相既文件要color scan~ 之後就可上政府網「智傭易」去提交續約申請 (只可以完約前8星期開始申請) 提交申請後就一直等，網頁聲稱只需10個工作天， 但我最後差唔多等左5個星期先收到信， approval左個申請可以去交$230蚊。  (中途我打過幾次去入境處追問，佢地CS只會覆好多申請做唔切， 會留電話俾主任覆，當然主任從來冇覆過， 再打去問CS只係不斷俾投訴電話我， 叫我去投訴，最後我更係去投訴啦!) 交左$230蚊後，好快就會收到掛號寄黎既姐姐新visa。 貼左落passport後，就可以做菲律賓果part 可以預約/walk in去菲polo office 做公證合約 預備2份藍色407合約，僱主身份證copy, 姐姐身份證copy, 新visa copy, 姐姐passport正本及copy, OWWA OFW information sheet $196+$80蚊 當日只有姐姐去整，幫佢預約左全程30分鐘內走得 佢話如果冇預約條龍就排好長…. 可以參考: https://polo-hongkong.com/individual_checklist.php  交左文件後，等一星期就可以去領取已經吸左印既合約!就完成啦~  上網話拎合約當日要再俾$200蚊, 但姐姐去拎時話已經唔使再俾~ 所以自行續約只係$506蚊~~ 慳返Agent d錢都夠買保險XD”   #外傭自行續約 #最麻煩係入境處交晒文件冇feedback #打去想要回覆_佢只係不斷叫你投訴