熟我的朋友都知我係New-age派，好喜歡接觸靈性事物。 前排行銅鑼灣賓墟見到有人現場試做頌缽療法，其實我一路都想體驗下，但其實出面做一次都唔平嫁。見呢個老闆有個試做優惠，都冇問清楚詳細就booking左，即場比埋訂 （衝動消費人士）   今日就上左去位於佐敦的center。 開始時頌缽師叫我企喺一個好大嘅缽中間， 通過全身聲音能量震盪變化去檢查身體邊一個位置需要平衡和改善。 感覺好有趣， 自己好似企入左個大音箱當中， 每一下敲擊的震盪由腳板底震上頭頂。但最大感覺係下肢和頸以上， 腰背都冇咁大反應。 之後不停敲打數十次，直至打通身體脈絡，全身都能感受到相近的震頻為止。 之後就瞓喺床上通過幾個不同大大小小音頻的頌缽去檢查身體唔同嘅位置， 更仔細地尋找出問題的重點位置。   在全身敲打過程中，身體肌肉都通過共震方式而達到放鬆的功效。 另外通過頌缽療法可以改善身體痛症， 療程開始前我有提及過近日左腳長期出現麻痺感， 但在治療過程中發現重點根源是左邊盆骨出現問題， 是坐骨神經痛引致左腳出現麻痺症狀。 神奇的地方是通過不停敲擊， 患處由初頭每一下敲擊都痺入骨，到慢慢冇咁痛，直到冇再有麻痺感。   而缽聲不停圍繞身體，好快全身放鬆，心情平靜，係心靈的spa。 好快就完成1小時的治療，都明顯係腰盆腳都即時鬆左輕左， 冇之前咁辛苦，係繁忙的都市生活中，好耐無試過身心靈咁無憂，呢個體驗真係好值得。   頌缽簡介： 頌缽（Singing Bowl）西藏的一種傳統的宗教法器。後期頌缽傳入西方國家，發展出一套獨特的治療方案，通過不同大小的缽，發出不同的聲音和頻率，有助聲音治療。它的原理經過腦神經科學家證實，頌缽所產生的震動頻率，可以直接繞過人類的意識，直接傳入大腦，讓大腦進入靜坐冥想時的α(Alpha)波的腦波段，幫助大腦休息，令身體放鬆，改善睡眠。   另外因聲波可以與體內的水分產生共振反應，每一個部位都有不同的頻率，將身體內不同的器官有效地調校正回復正常工作頻率。頌缽所發出震動聲波同時可以把負能量打散，從而改善氣血循環，釋放心靈中抑壓多時的負面情緒。定期使用頌缽更可維持心靈健康的方法。   寧心 Origin 九龍佐敦偉晴街77號偉程商業大廈601室 www.origin.lol