【 一個價錢任玩全場電動遊戲 】 Megabox都幾適合帶兩兄弟去放電，有好多啱小朋友玩的遊樂設施。今次我哋去左以香港70年代做主題的「九五茶座 放宮樂園」，入面有齊懷舊冰室，好多糖果小食買的士多，隔離的遊樂場有得擲彩虹，仲有好多電動遊戲機。 我哋星期日去到咁啱做緊優惠，只需要$99一個價錢，就可以一家四口任玩一小時，場內的電子動感區任何遊戲都玩得，最開心應該係弟弟，終於可以自己坐車車。 我同老公就係咁玩射籃球和氣墊球，好爽！   雖然$99優惠已經完結，但其實平日都只需要$158，一樣可以任玩1小時，再會送50個代幣，都係好抵玩呀！   另外仲有又食又玩套餐，可以係佢哋的懷舊餐廳食指定的午餐和小食，我見款式都幾吸引，但我哋果日已經食左野，唯有下次再試下佢哋的美食啦！   九五茶座 放宮樂園 地址 : 九龍灣MegaBox 九樓23號 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com