趁端午節這個long weekend，我們一家去左staycation，提早跟爸爸慶祝父親節。而今次便選了為位於東涌，跟機場近在咫尺的諾富特東薈城酒店，而家仲做緊父親節住宿優惠。   住宿篇： 酒店感覺都幾大幾新，而我們的房間位於20樓，有一張大床加細床，乾淨整潔又光猛，昂坪360的景觀一覧無遺。 ▲酒店大堂   ▲房間乾淨整潔 ▲房間窗外的景緻   在房間逗留了一會，我們便到了位於3樓的室外游泳池，小朋友可以玩玩水放電一番！不過提提大家，因為疫情關係，泳池只可容納最多15人，每人最多1小時，因此建議大家可於check in後先到泳池登記啊！   晚餐： Package包括Olea 地中海餐廳斧頭牛扒晚餐，餐廳樓底極高，裝修雅緻，我們坐於落地玻璃旁，可以望到園林景緻，感覺悠閑又舒服。   斧頭牛扒晚餐份量相當大，除左有斧頭牛扒，仲有唔少side dish如沙津丶美式芝士燴通粉 丶烤車厘茄丶烤蒜頭及薯條，已經足夠我們一家四口享用。 斧頭扒肉質軟腍鬆化，肉味濃郁，油花均勻，配芥末醬食可以中和油膩感。   早餐： 早餐時間由6-11am，想訓晏啲都得。位於Essence的自助早餐，食物選擇多，有不同的西式早餐如麵包丶腸仔丶沙津丶cereal等；中式早餐就有燒賣丶炒麵丶粥品等等，亦有㕑師即場製作奄列及湯麵。飲品任飲，咖啡丶茶丶鮮奶丶果汁通通都有，最後亦當然唔少得餐後果。   酒店週邊： 酒店旁邊的公園有很多遊樂設施，旁邊亦有大遍草地可以讓小孩子跑跑跳跳的。 而大堂內電梯連接東薈城，逛街丶食野都十分方便，就算落雨都唔怕。有興趣的話，還可以到附近的昂坪360坐䌫車。   不得不讚酒店的員工，無論係前台還是餐廳都十分友善，令我們這趟父親節慶祝之旅畫上完美句號。   ****************** 父親節住宿優惠由HK$1,488 起，已包1晚行政致雅客房丶Olea 地中海餐廳斧頭牛扒晚餐丶Essence 自助早餐及車位，亦可以免費使用健身中心和室外游泳池。   詳情：https://www.novotelcitygate.com/zh-hant/offers/父親節住宿優惠/ ============== 四月媽媽手記 FB: http://facebook.com/april.mamama IG: http://instagram.com/april.mamama