【 與屁屁偵探展開探險之旅 】 萬眾期待！首個屁屁偵探特展登陸香港喇！ 你聞到案件氣味嗎？深受小朋友歡迎的人氣卡通角色「屁屁偵探」應該係近年兒童界無人不曉的破案神探， 佢集攪笑和查案於一身，每次睇漫畫都會令大人小朋友哈哈大笑。   今個夏天，香港的小粉絲一定好開心啦！因為「屁屁偵探」黎左香港呀！Yeah！   「富衛保險主要贊助 : 屁屁偵探特展 香港篇」登陸左將軍澳中心，安妮媽媽今日就帶左Aidan和佢的好朋友一齊去玩喇！去到先知案發現場真係超級多拍照打卡位呀！媽媽們可以瘋狂影相呢！ 展區設有不同的小遊戲俾大人和小朋友玩。入場即可獲得破案必備的「偵探手冊」，根據手冊內透露的重要線索去尋找怪盜U，與屁屁偵探一同守護「黃金珍珠奶茶」，一齊破案！   而家等 Aidan帶你哋一齊係7大展區破解10個不同的任務啦！我地去破案喇！Gogogo～～～～   「屁屁偵探歡迎舞台」 破案前當然要影番張合照先啦！   「屁屁偵探事務所」 可以現場感受下屁屁偵探工作的環境，一齊來做屁屁偵探的小助手啦！   「汪汪警察局」 會合汪汪警察就正式展開調查，呢區的線索好多呀，Aidan佢哋搜索得越嚟越順利呢！   「公園 」 公園正舉辦嘉年華，熱鬧的街道都唔好錯過尋找線索的機會呀！   「呼呼博物館」 我哋揾到目擊證人喇，快d同佢落口供啦！   「博物館展覽室」 這一區最需要觀察力，因為破案關鍵就係呢度呀！   「直接對決」 抓到喇！抓到喇！抓到怪盜U喇！Yeah！ 但杯「黃金珍珠奶茶」俾Aidan偷飲左啖添。   係咪覺得好好玩呢！大人小朋友可以親歷其境與屁屁偵探展開探險之旅，破解不可思議的謎團，你又想唔想成為下一位推理新星呀？   現場更特設全港首個「屁屁偵探期間限定店」，會有香港獨家限定商品，啱晒一班小fans呀！屁屁偵探手搖茶飲及牛奶曲奇罐發售將不日登場。 ===================== 【 富衛保險主要贊助：屁屁偵探特展 香港篇 】 立即購票: https://hk.trip.com/things-to-do/detail/35502881 門票售價: $138 展覽日期: 2021年6月25日至2021年9月26日 展覽地址: 香港將軍澳中心地下G35 *最新展覽詳細請留意展覽主辦公佈 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com