上個禮拜突然之間同菠蘿包契媽夾到時間， 所以我地又去Staycation啦！ 由於我哋星期六入住價錢都比較貴， 一直都未搵到岩心水既酒店， 如是者我哋搵到帝京酒店個價錢勁心心眼！ 我地係旅遊網站訂$947 已包稅3大1小～2張雙人床（淨房無早餐） 問過職員加早餐都只係$80@1位！其實都抵架不過要前一日訂位，所以今次我地試唔到了！ Check-in既時候職員比左游泳池個層既房！（超方便呀） 仲話19樓有個小朋友玩既playroom已經超貼心幫我預約左時間（呢個真係好驚喜因為網站都冇講話有小朋友放電嘅地方！）     不過地方唔算大唔係太多嘢玩不過對菠蘿包黎講係一個好大嘅驚喜！ 玩咗半個鐘之後突然收到天文台已經除下雷暴警告！ 可以去游水啦！呀媽嗱嗱臨拉住菠蘿包番房到拎游水野！ 走既時候職員聽到我地趕住去游水，俾咗好多張填色紙菠蘿包番屋企油顏色！ 游水嗰邊係先到先得形式冇得預約！我覺得咁樣算係公平！ 去泳池之前打電話問吓仲有冇位先過去！ 泳池都唔細仲好新淨，難得有游泳池我哋總共游左2日！ 下晝會比較多人朝早8:00去游水比較小人！   房間方面空間其實都大菠蘿包係咁跑來跑去都冇問題， 不過就因為住咗泳池層房就望住平台草牆， 都可以接受嘅主要我哋都係想方便游水！   廁所我哋一致講好靚！仲要有個浴缸可以浸浴！   床就2個大人訓都仲有位！ 菠蘿包同契媽一齊訓勁開心～   總括嚟講呢個價錢仲要有得住五星酒店， 完全冇伏位！性價比高！下次會再黎！ 職員真係超級貼心同埋超有禮貌！ 不過前台人手就唔係太足夠， Check-in等候時間比較耐大約等左15-30分鐘。 （網上睇到有網民話誇張到要等一個鐘，所以我預早左去）   帝京酒店 https://www.royalplaza.com.hk/   #staycation #酒店 #渡假 #親子  #最型旅行體驗#本地遊#親子好去處懶人包#親子好去處#hotelcation