書展又就嚟到啦，對於新手父母，點樣揀書揀玩具其實係有啲難度，因為太多選擇，無從入手。今日就等豆沙媽媽為大家介紹下幼兒書，等大家揀書時容易啲入手。 豆沙爸爸同媽媽都係書蟲嚟，屋企有個細Library。而由豆沙出世開始，我地就已經決定搵書餵大佢。 由豆沙坐得穩開始，大約更正半歲左右，我地就已經同佢一齊睇書，佢都「玩」書玩得好開心。 無錯，其實幼兒書多數都係玩玩玩，一邊睇一邊玩，培養佢閱讀的興趣。閱讀的習慣有百利而無一害，呢啲就真係唔駛我講。 以下落嚟介始的書針對半歲到兩歲，大約兩歲之後已經可以睇繪本ga la。 1.    普通書仔 對BB嚟講真係無咩吸引力，豆沙媽媽比較推薦小樹苗的兩套書仔，細細本，唔易爛，方便BB隻細細手自己揭。而且一套就齊晒基本認知，圖文並茂，有齊晒中英文，貼近香港生活。 source : https://www.sesamepublication.com/products/全方位生活小百科 source :  https://www.cosmosbooks.com.hk/中英文兒童圖書?product_id=988832370&sort=p.model&order=DESC&limit=75 2.    有聲書 有聲的書對BB嚟講係特別吸引，令佢地會好好奇去試下撳啲掣。而撳掣出聲都係一個小手肌/手眼協調/感統的訓練。 下面呢三本分別係有動物聲同音樂，最後嗰一本仲可以打鼓。 3.    布偶書 半歲到一歲的BB好鐘意，有隻公仔同佢地一邊玩一邊睇書，大人可以扮公仔聲，我地成日用兔仔對手摸豆沙，佢好鍾意，仲會不停係咁笑。 4.    質感書 That’s not my 同 Never Touch 系列係好出名同超多本，入面會教唔同質感，有唔同的texture可以俾BB摸到，有助感統發展。 souce: Book Depository Unicorn 呢本都係有毛毛，有錫紙咁。 昆蟲呢本就有唔同紋路的膠可以摸同撳落去。 5.    揭揭書 BB最鐘意beek a boo，好enjoy有野收埋再搵番出嚟，呢一類書就係類似的原理。 Dear Zoo 係好經典的lift the flap 書，有小朋友都鐘意的動物。 小波上學去就好可以買定睇定，到上N班或K1前再重睇。 6.    手指書 呢一類書佢會有一條坑紋引導小朋友用手指跟住嚟行，訓練手指小肌靈活。 Follow Me 有中文有英文，有成個系列，可以睇BB興趣去選擇。 source: 博客來 而cats & dogs 仲要D坑紋有埋texture 仲加埋有lift the flap。 7.    窿窿書 同上面手指書差唔多，都係可以訓練手指小肌靈活 肥肥的小手指扮毛毛蟲咁不停篤篤下D窿窿，最經典的The Very Hungry Caterpillar 就唔駛多講，因為另一篇blog 有詳盡的解說。https://mamibuy.com.hk/talk/article/80062 另外仲有呢本peck peck peck 都好多窿窿，雖然英文深D，可以睇到好大個。 8.    機關書 呢類書好受小朋友歡迎，因為可以郁嚟郁去咁玩。 buzzy bear(中英都有) 同 Campbell Books 都有出成個系列 source: book depository 9.    玩具書 呢D係可以俾BB當玩具咁玩，尢其車車書，男女都鐘意。 https://www.youtube.com/watch?v=lFHTnX-JF-A 有片可以清楚睇下點睇點玩 source: book depository 10.    光影書 小朋友會好鐘意搵太陽照住嚟玩，又會透過啲膠片四圍望下。 而全黑呢本就要係夜晚用電筒或燈玩，係最基礎的physic。 11.    互動書 呢類書唔係單向咁睇，而係同小小讀者有互動，令到閱讀更加有樂趣。 小金魚係基本入門，要係本書到搵番條魚出嚟。小朋友，你搵唔搵到呀？ 而小黃點同千萬不要按按鈕就係小朋友跟據指示去做一啲動作，下一頁就會有相應的變化。 12.    粘貼書 有魔術貼，可以撕落嚟再貼上去，重覆又重覆，訓練小手肌一流！ source: 博客來 13.    磁石書/貼紙書 都係訓練小手肌的好幫手，要留意有D貼紙可以重覆貼，壽命會長小小，磁石書就成日會整唔見。 14.    有聲故事書 撳個掣就有人用英文跟書讀出嚟，懶人之選。 15.    燈光書 開著個掣就會著燈 16.    唔識分類 呢本係豆沙媽媽純粹自己好鐘意，大量視覺剌激，培養BB的藝術細胞。(豆沙媽媽亂噏中) 買書小貼士: 1.    如果睇中某一本書，可以上YouTube 到search，大部份幼兒書都會有人拍咗片介紹，有時可以睇晒成本都得。 2.    善用google, 都有啲blogger 會寫blog介紹童書，另外仲可以睇多幾個唔同的賣書網頁，因為有時每個網頁的試閱內容會有唔同。 3.    帶埋小朋友去書局打書釘，咁就可以知佢有無興趣。建議去誠品，好多都唔會包住，唔似得三中書局，佢仲有埋枱櫈，小朋友friendly。 4.    去圖書館借書或睇咗先，唯一concern係衛生問題，特別係太細的小朋友會咬書。而家圖書館可以用有自助UV消毒機都放心D。 5.    英文書方便的話一定係去bookdepository，一本都送仲免運費，缺點係小小貴同等好耐(因為covid-19影響)。 6.    中文書可以台灣訂番嚟，賣開博客來，或者台灣朋友幫手寄。香港的話可以直接去出版社網站都方便，13BStore , 家長會豆沙媽媽都有幫襯下。 好啦，寫完呢篇就發覺原來自己真係買得幾多書，無咩事我都係去面壁反省下。