Kangaroo care 袋鼠抱抱 skin to skin 其實足月b 的父母 係好少會接觸到呢樣野, 但 早b父母就會接觸到，同時香港有幾間醫院都有推廣 豆沙出世的威院都有，但並唔係大力推廣, 豆沙只係出世個半月左右做咗三次 雖然只有三次，但豆沙媽媽覺得好好，覺得真係對bb，對媽咪爸爸都有幫助 成件事好簡單，但功效好明顯 袋鼠抱抱 的起沿 要番到去1970 年代, 當年唔夠保溫箱，有醫生發現 彷效袋鼠媽媽袋住袋鼠bb咁樣 抱住早產bb,可以提高早產bb的存活率, 而一直流傳落嚟, 而咁多年嚟,醫生都有做好多研究去證實袋鼠抱抱對早產BB 同媽媽的正面影響 咁究竟袋鼠抱抱係點樣做ge呢? 首先要有以下物品, 所有野正常有BB的屋企都一定有齊 如果係屋企做 體溫測量計 暖風機 暖爐 包被 紙巾 乳墊 for索走滴出嚟的人奶 前扣胸圍 optional 前中開的睡衣或衫 optional 手機/watch for 計時 坐得舒服的有扶手椅或sofa 漱口水/口罩 Bb帽 如果係醫院做 包被 (可用醫院, 但豆沙媽媽會自己帶) 紙巾 乳墊 for索走滴出嚟的人奶 前扣胸圍 前中開的衫 Bb帽 步驟 1. 媽媽飲小小水，唔口渴，去晒廁所，唔急急，食飽飽，唔肚餓 2. 媽媽最好沖完涼，或者用消毒濕紙巾抹胸腹同面，再用純水紙巾抹多次 3. 徹底洗乾淨雙手 4. 豆沙媽媽會用漱口水漱埋口，始於會好近bb,同埋驚口入面有菌，或者帶口罩 5. Bb最好食飽奶，掃完風，換埋片, 舒舒服服, 唔駛著衫或包布巾,只需要著住一條片片 6. 媽媽打開衫同胸圍，Bb打直咁好似青蛙咁伏係媽媽心口上面，盡量bb的肌膚大範圍貼住媽媽的肌膚 7. 媽媽可以雙手攬住bb，放係bb背後 8. 開住暖風機，室溫25-26度左右，用包被包住媽媽上半身同bb,留番個頭仔出嚟透氣 9. 怕bb凍可以幫佢帶帽仔 10. 好舒服咁攬住bb，坐一個鐘，咁就做完ga la 11. 係開始，半個鐘，完結時，分別量度bb體溫，確保佢體溫無過低 注意: 1. 係醫院做, 要同護士夾時間同位置,人手, 佢地要安排屏風 不過疫情關係，未必安排到 2. 唔止媽媽, 其實爸爸都可以做的，但要注意清潔, 豆沙爸爸當年係吹住風扇咁行落樓去搭的士去醫院，怕出汗 3. 如果有唔舒服或皮膚問題就唔好做到 5. 如果心理上仲係好驚抱bb或者驚整親佢，可以俾多少少時間自己儲下勇氣 6. 豆沙BB 做個時都係用緊胃喉, 夠鐘食奶會照一邊落奶一邊繼續 7. 過程的一個鐘可以閉目休息下或者同bb講下野，叫下佢名，唱下歌仔咁 袋鼠抱抱有好多好處 豆沙媽媽同豆沙爸爸同豆沙嚟講，以下呢幾樣好明顯係work 的！ 平復bb情緒 第一樣最明顯係豆沙喊少咗 當第一次做袋鼠抱抱之前，豆沙bb係保溫箱入面崩潰喊，做人父母都好清楚，崩潰喊通常要到bb自己喊到覺得夠皮先收聲。當時見佢喊到痴咗線，點拍都無用，仲要係箱入面瘋狂掙扎，手仔腳仔不停郁 豆沙媽媽即刻好吽底，同護士講不如唔好做袋鼠抱抱住，等佢下次平靜啲先，護士話「而家反而先更加要做呀！」 佢無詳細解釋，但當佢拎住喪喊的豆沙bb放落豆沙媽媽心口到，跟本唔駛佢再解釋，奇蹟Ge 事情就發生啦! 豆沙面仔同成個身貼住豆沙媽媽胸口，好舒服咁眼碌碌，即刻收晒聲，四圍望咗一陣就好爽皮咁訓著咗！ 我地連續做袋鼠抱抱幾次，佢好明顯喊少咗 增加體重 豆沙媽媽堅持坐月沖涼都要去做袋鼠抱抱的原因係研究顯示袋鼠抱抱可以幫助早產bb增重, 豆沙其實做得幾次，而個幾日佢ge體重都有升，唔算話突別明顯,4日夾埋重咗85g, 無跌已經收貨 增加奶量 同bb skin to skin touching 係勁上奶，因為抱住BB會令媽媽的一種開心荷爾蒙上升，呢種荷爾蒙係會幫助造多D人奶。一邊攬住豆沙，一邊個胸就不斷谷奶，滴晒出嚟，做完kangaroo care 個轉去泵奶個奶量真係會多啲 加強父母同bb之間的聯系 攬住豆沙bb個感覺係好真實，係好感動，係會令人上癮！佢一出世，我地係唔開心多過開心，因為唔穩定，又擔心呢樣個樣，但攬住佢個一下就覺得個世界靜止咗，只有我地兩個相依相偎，好sweet 做kangaroo care 絕對係我地心態上的一個轉捩點，一口氣掃走咗之前一路累積落嚟的擔心同負能量, 令我地變得正面，更加有希望，期待呢個新加入我地家庭的小baby快D 番屋企一家團聚 而豆沙媽媽的產後抑鬱都好番好多，無再喊到收唔到聲 kangaroo care 絕對係加強到父母同bb的bonding, 亦加強咗BB的安全感 袋鼠抱抱 的好處有好多，大家可以詳細睇下瑪麗醫呢個單張 http://www3.ha.org.hk/hkwc/ppi/InfoPam/docs/paed/paed_14.pdf 就算出咗院番到屋企，我地都有繼續做，特別係佢初出院番屋企，驚佢唔適應，袋鼠抱抱可以comfort bb, 令佢有多啲安全感 呢個咁好的方法, 豆沙媽媽覺得唔只係早產, 就算足月BB 都可以試下 http://www.facebook.com/vislyip 豆沙的小小page,懶媽媽不定期,但心血來潮就會更新 :P
