【 食物高質的親子室內遊戲室 】 「大樹先生的家」應該好多小朋友都去過，仲記得疫情前，遊戲室內最吸引的就係一大個波波池，但好可惜而家波波池因疫情暫時關閉，但場內咁多野玩，兩兄弟都玩得好開心呀！   我哋今次係去大樹先生的家 Mr. Tree 銅鑼灣分店，場內有多個遊戲區，足夠小朋友盡情放電。   兩兄弟最愛滑梯繩網區，弟弟會跟住哥哥慢慢行上去玩，睇住兩個互動真係好可愛。   哥哥覺得小水池釣魚區好有趣，有得玩水小朋友就最開心，遊戲室有提供防水圍裙，如果衣服唔小心弄濕都有風筒可以吹乾。   仲有個for 0-24個月幼兒健身區，有小滑梯和小鞦韆，啱晒弟弟玩呀！   兩兄弟忙於玩滑梯，揸車仔，玩路軌火車和煮飯仔等，唔經唔覺就玩左3個鐘，好滿足！   鍾意去大樹先生係因為佢哋餐廳的食物真係好有水準，雖然價錢唔平，但小朋友有得玩，大人又可以嘆下美食都唔錯，哥哥次次去玩都食得特別多！ ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com