【 眼睛好享受｜超靚景觀Staycations 】 無得去旅行，留係香港都可以搵到好多節目玩架！當然Staycations又係一個好選擇啦！我哋前排帶左兩兄弟一齊去酒店住左兩日一夜，過咗個放鬆的假期。   我哋今次選擇左「宜必思香港中上環酒店」，因為佢哋而家有個「夏日家庭歡樂時光」住宿計劃，只需要$1200起，就可以4人入住海景家庭相連客房，包早餐及家庭特色晚餐，再送1輪房內迷你酒吧，仲可以免費延遲退房至4pm，最多住足26小時，夠晒時間休息，真心抵玩呀！   果日一去到酒店大堂Check in 過程都幾快。上到房就俾窗外的開揚海景深深吸引住！望到海Aidan就最興奮，捉住弟弟一齊睇船。   安妮媽媽就最鍾意兩間相連客房，有1張大床及2張單人床，中間以門分隔，兩兄弟就成日穿梭兩間房，跑黎跑去咩都玩一餐，好攪笑！（但兩個木門比較重，而且打開時無得自行固定，需要請職員幫手用工具固定。） 相連房的最大好處，當然就係兩兄弟訓哂，我哋兩公婆就可以係隔離房睇電視食宵夜，又唔怕嘈醒佢哋，享受下二人世界。     晚餐係酒店享用，套餐包埋「精選四人套餐」，有一大碟炸物拼盤（份量真係多到好誇張，我哋都有分享一些給隔離枱），牛肉漢堡包配炸薯條，蕃茄汁牛肉丸意大利粉和一個夏威夷薄餅，仲有4杯餐飲，份量夠多，絶對夠食，而且味道都唔錯呀。個牛肉漢堡勁多汁，好好味，哥哥就最愛牛肉丸意粉，自己食咗一大半。   哥哥第二朝一早就起身，話好期待酒店個早餐喎，有無咁為食豬呀。 早餐係LE BAR食，有四個唔同款式的早餐選擇 : 美式早餐，歐陸式早餐，中式早餐和三文治早餐，每份的都好豐富呀，擺盤精細，味道唔錯，弟弟好鍾意食碗粥和多士，哥哥就話每樣都好yummy～～～另外我哋仲留左一份早餐上房食，望住成個海景食早餐真係好嘆呀！   4點先Check out，仲有咁多時間，食飽早餐當然要再訓下覺啦！呢兩日一夜真係好滿足，望住咁靚的海景心情好放鬆呀！   雖然酒店無兒童遊戲室，但因為位於中上環，酒店附近都有幾多景點可以去行下，近近地就有個中山紀念公園，可以俾小朋友放電。 下篇再同大家分享酒店附近的遊玩設施吧！   ～～～～～～～～～～～～～ 「宜必思香港中上環酒店」4人消暑住宿計劃包括： - 海景家庭相連客房住宿1晚 - 免費房內迷你酒吧1輪 - 4人精選早餐 - 7-8月份入住: 家庭特色晚餐 - 免費延遲退房至下午4時 (需視乎酒店實際安排) *以上餐飲將於LE BAR內享用   **官網預訂：http://bit.ly/urbangetawayCSW 預訂及入住日期：即日至2021年8月31日   輸入入住日期，選擇房種後，即可了解"家庭歡樂時光"套餐詳情。 *需視乎酒店實際安排 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com