成為新手媽媽之後，除左照顧寶寶食同瞓，最重要就係陪玩，但阿娘已經唔記得自己細個係點玩，睇下書，上下網~分訓練大肌肉、小肌肉、感官、社交溝通等等嘅遊戲，自自然然覺得遊戲係要「有目的」，係玩完有技能提升。 係奶油仔9個月大時，係屋企附近參加左一次 Playright Children’s Play Association 舉辦嘅戶外活動，見奶油仔全程玩到笑唔停，個刻連我同奶油爸都感受到玩嘅力量。最令我深刻係學到遊戲係可以毫無目的！係發自小朋友內心、有足夠自由發揮同佢哋自己主導。 上星期就去左位於太和嘅 Playright Playscope，有4000呎大，配合孩子主導嘅遊戲區，遊戲設施亦都係開放式，任小朋友點玩都得，發揮創意！ ~收費詳情+預約網址：https://member.playright.org.hk/event/p/5909 （要先有登記帳戶） ~地址：香港新界大埔太和邨亨和樓地下117-128 室   想看看奶油仔的日常趣事，歡迎光臨Facebook Page《奶油阿娘與寶寶》和Follow Instagram《nylemamaandbaby》。