呢個$50地方真心值得大推？ 剛剛星期六滿心歡喜去咗呢個嘉年華，結果⋯⋯ 先帶頭盔，雖然主辦單位有送門票俾我入場，不過我期待的與現實所見的⋯  天價的workshop 嘉年華其中一個賣點係workshop, 唔知係咪參展費太貴？workshop 的價錢相比書展所見到類似的更貴 家長們對slime 唔陌生，如果叫你俾$230 去整一個slime 嘅手工，你點睇？  Sorry…我相信呢個價錢同小朋友有更多其他的遊樂體驗選擇 （詳情請按圖睇，不過要稍微放大啊）   慘不忍睹嘅free play 讓孩子玩的空間應該係carefree ,唔應該滿佈潛在危險。或者⋯係我哋職業病發錯重點？????   1. 有無見過玩bouncy castle 無人數/高度限制？ 響呢度你會見識到 差不多成8個小朋友響一個家用版大小小的bouncy castle,滑梯出口佈滿歲幾至兩歲幾嘅小朋友響度玩緊波波，而大少少果啲不斷滑落嚟⋯ 遠睇都覺得危險！！仲未計響入面狂跳果班7-8歲小朋友，成個bouncy castle 就冧嘅狀態⋯點解一班家長只係動物園式圍觀？點解無工作人員響度manage?   2. 除鞋但係點解唔洗著襪玩？ 去過室內playroom 玩都知道著襪是常識吧？點解會有咁多大人同小朋友都無著襪？點解大會無呢個衞生常識？ 當日我一點多少少到，我所見的家長小朋友都有著襪；到我哋食完lunch 再上去時三點幾，成個世界好似唔同咗！ 我哋由古董相機果邊行過去，我只見人頭湧湧，四圍都係鞋但係響play area 嘅大人同小朋友好多都無著襪喎  我唔係潔癖衞生狂家長，我只知道有些遊樂禮儀及衞生守則要遵守。    3. 滿天飛bricks 當大公主同隊友合力砌好個castle 出入口，旁邊有兩個女仔突然間會走嚟霸佔我哋嘅製成品⋯更什的是⋯當呢兩個女仔拎住啲bricks 愈砌愈高座山冧緊落嚟時，兩個阿媽坐響旁邊繼續禁住電話同個囡講：冧喇！ 點解呢兩位家長唔會走過嚟救個囡或者幫佢頂住啲bricks? 點解佢哋唔會留意身邊有無其他較細小嘅小朋友會有機會被整到？ 點解要整啲沙灘椅俾啲家長響度攤抖禁電話？ 如果你唔係同小朋友一齊投入玩樂嘅，你嚟呢度為咩？ 讓孩子玩不是讓孩子傷害別的孩子 天台好風光？ 我哋都有上天台打個圈，如果嚟呢度為咗攤抖望海打卡，不如直接行落沙灘吹住海風仲好風光。 當日天氣炎熱，稍有驟雨，3/F 人口密集，場內空氣流通唔夠，當你見到有人行完天台再落一層除鞋無襪入返free play area, 情況不妙我哋都急急撤退   Reflection 嘉年華原意雖好，只怪執行及配套上失當。 其實當中嘅藍屋攤檔同埋有幾個小檔主的攤檔做得唔錯，我都有幫襯佢哋。kidspreneur 係一個好好嘅idea ！ 不過只怪主辦單位想做的太多而能力有限？！ 其實我去呢個嘉年華其中一個目的，係想帶大小公主睇吓呢部1965年古董相機，看看古董相機與現代相機的不同，感受一下這種有溫暖的拍照體驗 古董相機拍攝體驗了，現代的育兒方式更加大開眼界   當然每個參加者感受不到，可能恕我要求好又咁啱俾我錯重點啦⋯⋯   Follow us #mimimomoma 齊齊 mi mi mo mo explore      當然我衷心希望，希望佢哋檢討改善，不要讓大家滿心歡喜卻不歡而散     #不吐不快 #真心分享不照騙 #做父母要誠實 #快樂童年 # hkparents #mimimomoexplore #親子blogger #coolhkg