超級舒服！有屋企feel嘅精品酒店,我鐘意佢係木地板， 老公鐘意雨淋式花灑,有大浴缸, 我哋呢間係豪華套房，75平方米空間感好大！樓底好高！玩捉迷藏勁好玩~ 小朋友有得玩露營,營入面仲有星星閃燈好靚,房內有彈彈馬玩具玩、氣球佈置,  套票包小朋友禮物一份添! 有咗小朋友之後大人生日就變咗小朋友生日咁,不過爸爸生日都有支紅酒送~ 酒店得一層得30幾間房，冇泳池冇任何嘢玩架，有健身室， 呢度人流少～可以避開而家staycation人潮～我地純粹想喺房入邊享受下Hea下，（因為爸爸生日唔安排太多節目啦）食方面有全日免費任飲任食貴賓廊嘅小食同飲品, 有自助早餐，好簡單唔多款的！ 樓下有間中菜，或者行10分鐘左右去奧海城食嘢，酒店後面係海濱公園可以行吓～ *有BB床、床欄、浴盤、兒童牙刷拖鞋提供 呢個係「小小露營家家庭住宿計劃」 我係官網訂>>>>香港遨凱酒店 The Olympian Hong Kong https://www.sino-hotels.com/....../offers-and-packages ———————————— 快啲入群啦！更多親子好去處 親子放電去邊好群組>>> https://www.facebook.com/groups/623614398242858/?ref=share 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #假日好去處 #親子好去處 #親子放電去邊好 #5Y #10m #全職媽媽 #親子 #放電 #遊樂場 #酒店 #staycation #旅行 #生日 #慶祝 #香港遨凱酒店 #TheOlympianHongKong #奧運 #西九