【Tree Health & Sports】 地址：將軍澳唐賢街33號 Capri Place, B03鋪  電話：2889 8331/ Whatsapp 4611 8776 營業時間：星期一 至五 11:30a.m. - 6:00p.m.　 星期六日及公眾假期 11:30a.m. - 8:00p.m   今天是2021年8月1日也是消費劵派發的日子 狐狸媽媽我一早找到想跟小肥陽去的親子餐廳 一間2021年7月31日剛開幕的將軍澳唯一的日式親子餐廳 因為不是Tree Health & Sports 的會員的話 就需要消費HKD 200或以上就可以進去兒童放電區   入口其實也滿不好找的 因為在地庫位置 但沿路都有一個類似風帆的易拉架指示   要坐電梯下到地庫位置   左邊是【劍舍】 可能因為香港張家朗贏了金牌 所以很多小朋友都在學 超可愛的   右邊是【室內電子哥爾夫球場】     好像也滿好玩的 但因為小肥陽比較小 所以只是看看 沒去詳細問     後面還有訓練空手道的 沒拍照片 因為有小朋友跟老師在練 【親子餐廳 TREE X MORNING MORI CAFE】 位置其實是在 （看圖片）   去既時候仲好早 無咩人 所以媽媽我順利咁影左一個全景    只要係餐廳消費夠HKD 200 以上 就可以進去放電區囉 溫馨提示：店鋪大部份既支付方式都接受 有支付寶亦都有微信支付 所以係可以用到消費劵嫁 係爸爸仲點緊餐既時候 我就同小肥陽迫不急待咁走去玩啦 其實地方一啲都唔大 真係一個細角落有得玩 但俾小朋友邊食邊玩都算足夠 我地揀左坐係沙發位   除左我地之外 就只有另外一枱既一家人係叫左餐 之後仲有 2 pair 家長同小朋友 係無買食物就可以直接入去玩 應該係會員黎 可能因為岩岩開業試業 完全無咩人 餐廳的餐牌如下   爸爸點左 【日本叉燒茶漬湯飯 HKD 113】 估唔到咁好食 叉燒既口感非常好 唔會太硬亦都唔會太軟淋淋 岩岩好之餘仲好有噍頭 通常食日式叉燒都係食日式拉面一片片個種 但依個係一顆一顆正方型的的 很有咬口也很下飯 擺盤也好簡約 好日式 另外仲點左 【明太子忌廉意大利面 HKD 96】 唔係間間既餐廳既明太子都處理得好食 但佢依個真心好好味 夠creamy 令我諗起華御結既明太子沙律飯團都超好食 小肥陽更加係食到停唔到口 另外仲點左野飲 【白桃梳打 HKD 48】 媽媽我覺得好好飲 但係爸爸就覺得有啲太甜 整體俾我既感覺係可以Encore 可以再黎 下次再黎可以試下甜品類 一款甜品都無叫到 我覺得【蜜糖牛油生吐司配軟雪糕】或者 【朱古力心太軟配軟雪糕】應該都幾唔錯   除左餐牌上面既甜品之外 仲有唔同口味既蛋糕面包 約HKD 18- 22 不等     好啦重點黎啦！ 親子餐廳既精粹當然就兒童遊樂區域啦       全個角落最樂玩既就係條瀡滑梯 又快又好玩 但因為落得太快小肥陽有啲驚驚 但係又想繼續玩 所以就要媽咪抱住落 咁結果當然就係瀡得更加快啦 滑梯前面仲有個捐山窿既蟲蟲 但小肥陽對佢無咩興趣 之後都有個工作人員姐姐將佢收返起 滑梯旁邊個條道仲係一個小型既攀石牆 攀到上面再瀡落黎 但攀既時候要睇住小朋友  因為一唔小心就好容易「級」到 一 「級」到就會勁痛    仲有一個秋千架 同樣地小肥陽對佢一啲興趣都無 可能係因為媽媽無抱佢上去搖下  但對廚房玩具就非常之咁鍾意   玩到唔捨得放手 雖然啲廚具好唔唔係太齊 但都無限佢既興致 攀上滑梯上面 仲有拳擊波波 另一個媽媽我介唔知佢既用途  不過小肥陽太大力打 反作用力令知波打到佢個頭 令媽媽我哭笑不得   旁邊仲有一架玩具電單車 但係係無電既 所以要爸爸用人力推   加油呀爸爸   除左小朋友玩既 仲有一個氣墊球機 但因為無工作人員係到 都唔肯定玩唔玩得 再入去啲仲有一間可以玩VR既房 佢 Facebook 見到有介紹俾人預約party room 夏日派對套餐 HKD 238 包括： 1. 3小時獨立派對房 2. 2小時兒童放電區任玩 3. 3小時VR虛擬體驗 4. 免費泊車     之前有個Early Bird Party Package 都好吸引 想同小朋友開個生日party或者百日宴都係唔錯既選擇       如有任何問題，可以留言或者找我喲! ٩(๑Ő∀Ő)۶  歡迎邀約任何試用或出席活動 Email：ttotiffany@gmail.com ig: ttotiffany &babyipip fb: facebook.com/ttotiffany