好攰呀喂！年年行完BB展都嗌攰，但次次都一袋二袋買得勁開心今次我醒啦自備大隻佬，行都行得舒服啲 頭先有人問我「包包咁大BB展仲有嘢買咩？」Of coz~同埋要幫朋友落單呀！場內好多booth 買夠指定金額就送貨，頭先至幫表姐買左500蚊bb洗髮沐浴露當然唔少得去全場最大嘅A01荷花攤位 https://m.facebook.com/story.php?story_fbid=226530652807247&id=100063509419534 今年個大會送貨仲超勁抵，首5kg 運費30蚊咋！！！唔使搬餐死真好 . 博覽優惠券成日有人問買唔買得過，其實真係唔會換晒成本，今次我換到幾包滴雞精同幾包十片裝濕紙巾，有檔仲送一包豬腳薑一包滴雞精都唔止廿蚊了，當然啦數量有限換唔到唔好打我 . 今年我無咩拎過銀包出嚟，因為9成都收消費券，係咁「嘟」就畀錢就得一如以往各大奶粉商係最多人排，朋友話總會飲得晒拎禮物好抵，見到買$3900送架電動車真係好鬼靚，勁似我婚禮花車有啲就送Bruno /Iris/stokke，記得同一奶粉品牌，喺manning 百佳watson惠康送嘅嘢都唔同，做定功課入場直接去打蛇餅啦～ . 今次我仲買左k kwong介紹嘅幼童立體口罩，like page又有嘢送，$175七十個獨立包裝，恐龍熊貓靚靚地準備開學用；Catalo五十蚊福袋，再買啲鈣片補補佢；仲有10蚊一盒好多束嘅Bb麵......   場內優惠照片請看： https://www.facebook.com/winnie810corner/posts/226720849454894 . BB展小小心得分享，做足準備呀！ 1.自備大隻佬，如果諗住買嘢最好拖喼 2.一早上網睇會場地圖，圈起目標攤位 （https://bit.ly/3rfG7Wp） 3.記得記得買本「博覽優惠券」﹗ 好多BOOTH會有購物優惠，甚至就咁拎張券埋去已經有禮物拎走﹗包括拎一包已回本嘅滴雞精 4.如果從未去過bb展，save定懷孕証明/BB出世紙登記媽媽會，拎支原子筆/print定個人資料 5.善用大會送貨服務，唔貴，唔使自己搬call車走都喺度，位置喺入口最左後方哺乳室旁，5公斤以下30蚊咋 買得開心啲啦 . 第29屆荷花BB展 開放時間：8 月 5 日至 7 日(10:00 am – 8:00 pm) 8 月 8 日( 10:00 am – 7:00 pm ) 地點：灣仔會展Hall3B – D 票價 ： 成人 HK$30 , 小童 HK$20 (1 米以下小童免費) . ＊ 疫情期間健康最緊要，以往見唔少孕媽媽，或手抱初生嬰兒到場……請大家自行衡量健康風險，盡量由家人親友代為前往購物