【 任玩全層10幾間PICCOLO反斗活動室 】 安妮媽媽一家又去Staycations喇！今次我哋係入住尖沙咀港威酒店Gateway Hotel 「親子反斗繽紛樂」，$1209就包2大2小住一晚加自助早餐，仲可以免費任玩「PICCOLO反斗活動室」，仲有豐富的迎賓禮物，星期日至四入住仲可以保證延遲退房至下午 3 時，玩足24小時，真係好抵玩呀！   我哋仲好好彩免費升級到高級套房，一房一廳的設計，空間感十分，啱晒兩兄弟盡情跑，房內仲有Nespresso 咖啡機，雪櫃內的飲品係Package免費包的，爸爸表示好滿意！   套房內的兩張雙人床，比一般單人床大，我地4個可以舒舒服服咁瞓。浴室仲有浴缸可以俾兩兄弟玩水，佢哋勁開心呀！   Package內贈送的迎賓禮品都好豐富，有小朋友最愛的糖果，Häagen Dazs雪糕，填色套裝和冒險樂園金幣換領券。唔好以為只得小朋友有禮物呀，媽媽都有架！   重點活動來了！ 今次的Package可以免費任玩酒店4樓全層10幾間「PICCOLO反斗活動室」，有得玩乒乓球、籃球、氣墊球、足球機、遙控車、桌上遊戲、跳舞機和兒童遊樂室等等，每間房只可以一個家庭進入，感覺乾淨衛生又玩得比較放心，這些都唔需要book可以任玩。另外OSIM按摩椅、VR game和Switch 這3個活動係要預約，check in 時職員已經幫我哋預約好，可以3選2。Switch兩父子就最愛，玩到唔捨得走。   第二朝的自助早餐都幾多選擇架，中式西式都有，食飽飽後又再去活動室放電。   下奏3點先check out，仲可以係房玩多陣水訓多轉晏覺先走，慢慢享受這個旅程。 唯一美中不足的係如果要游水就要去隔離 Marco Polo Hotel，泳池係兩間酒店共用的，但就無得提前預約，先到先得，但游完水要行番去自己酒店都有d唔方便，所以我哋放棄了，留係酒店房玩水一樣咁開心。 我哋Check out後再去海港城冒險樂園繼續玩，因為package送左100枚代幣，啱晒兩兄弟！ 呢兩日一夜真係玩得好盡興，港威酒店的員工都好親切友善，對小朋友好熱情，值得一讚，期待再下一次的Staycation之旅！ 港威酒店【親子反斗繽紛樂】住宿套票： - 每房2大2小 $1209起 - 免費於Three on Canton享用自助早餐 - 免費享用PICCOLO反斗活動室 - 免費享用迷你酒吧(每天補充一次) - 送Häagen-Dazs雪糕兩杯 - 送美國冒險樂園代幣100枚 - 送顏色筆及明信片兩份 - 送Bears & Friends 水果軟糖兩包 - 送CANVAS精選禮品 - 生日月份入住可享免費生日蛋糕乙個 - 星期日至星期四入住可保證延遲退房至下午 3 時   **我哋係喺 KKday book房架，我睇過仲有得book，大家有興趣可以去睇吓Package詳情：https://bit.ly/2UEtASg ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com