復活節時黎過沙田麗豪酒店staycation，我哋都玩得好開心，近排見到佢crossover九巴，所以今次就決定再嚟呢度BUStaycation啦！   麗豪酒店呢個九巴主題饗 · 樂「駕」期BUStaycation最正當然係間九巴主題套房，除咗有巴士擺設及裝飾，king size床旁邊仲有張巴士兒童床，仲有埋軚盤，亨亨柔柔見到都超級興奮！ 房間夠闊落，再加埋個城門河景真係好舒服。 入住仲有九巴模型送，真係超級開心！ 除咗房間，兩兄妹仲可以一嘗當小車長的滋味，穿上制服玩迷你巴士電動車，於馬路上風馳電掣。 酒店大堂更設有1:1真巴士駕駛艙，小朋友可以瘋狂㩒制丶拉手制，絕對滿足到呢班充滿好奇心嘅小朋友！ 玩完就去泳池游水，記得要一早book定唔洗walk-in，每節75分鐘，人流唔算多所以都游得好舒服。 玩完水放足電，就去濠餐廳食dinner buffet，選擇都唔少，有海鮮丶壽司丶刺身丶各種熟食，仲有池畔BBQ，有燒烤同麵食，甜品都唔少，飲品任飲，玩飽食飽真係超滿足！ 食飽我地仲去咗酒店旁邊嘅城門河散步，吹吓海風都幾寫意。   朝早仲包自助早餐，可惜大家都訓得太冧遲咗起身食唔到！   · 想有個精彩「駕」期可以去呢度book：https://www.regalhotel.com/mobile/regal-riverside-hotel/tc/promotions/FAMbulous-BUStaycation.html ============== 四月媽媽手記 FB: http://facebook.com/april.mamama IG: http://instagram.com/april.mamama