介紹返「小女孩外出座廁三寶」 1: 消毒酒精噴霧 2: 偉大嘅座廁墊 3: 包裝紙巾 （戒用外面廁紙） 4: 尿片（備用） 座廁墊摺到細細包，擺入袋幾輕便，每次去街我都會袋定4-5包。事先用消毒噴霧清潔廁所表面，打開座墊包裝袋，撕開背面3塊膠貼，直接貼落廁板，就可以隔開廁所板同周圍嘅污糟。用完成塊扔落垃圾桶，完成！ 但我呢款只適合大人座廁，同埋我有少少嫌棄個膠貼有少少難對位，如果係小童座廁亦唔對位！不過價錢黎講，呢款比較抵用。 座墊link：https://m.tb.cn/h.f0JiBNy?sm=bd290f   我由細到大真係好怕外出廁所，女仔先會明女仔廁所果種惡劣環境同恐怖！所以我平時都會揀廁所去，寧願死忍或者去第二個地方，都唔敢入某啲廁所，所以我最怕去郊外！ 最好笑係我由細個開始，已經開始幻想將來生女唔知點算，成日祈求最好自己生男仔，因為我真係唔想帶個女去廁所！點知最後個天都係要俾考驗我，每次我帶貝貝去出面廁所，都好似打完扙咁，我望住貝爸可以好輕鬆喺門口等，我個頭就會出煙好嬲！ 我承認，因為呀媽嘅潔癖，所以貝貝係比較遲先開始戒出街片，我又驚逗佢痾或者踩廁板，會痾到周圍濕晒，最後我係用上呢三寶，暫時解決比佢去較乾淨嘅廁所！ ————————— FB: https://fb.me/bowlpui   IG: https://www.instagram.com/bowl_lam/