超好胃口期來了!趕緊用健康食物包圍着自己! 踏入懷孕第7個月,餐餐都可以食完仲餓,越係餓就越諗起唔食得嘅野,珍珠奶茶、海膽刺身飯、朱古力雪榚…終於決定寫低每餐食咩,買定多D健康食材,一於令自己充滿營養,無位再放垃圾食物! 早餐 無花果蜜糖希臘乳酪+山藥粉 菠菜芝士炒蛋 麵包 維他命 (牛油果同菠菜嘅葉酸對胎兒發展好好架~) 早上茶點 魚精 乾果/果仁/蔬菜乾 (選擇無防腐劑,無添加糖同鹽嘅零食) 午餐 牛油果牛肉bagel 櫻桃 奇異果汁 (紅肉+維他命C食物一起吃幫助鐵質吸收) 晚餐 黑豆飯 南瓜蒸雞 秋葵 蕃茄洋蔥花膠魚湯 (花膠係阿娘孕期必備補品) 睡前 鮮奶 只不過呢~~就算我點囤積健康食物,總係成日有位人兄係我隔離食薯片、雪條、飲凍啡咁囉!又只不過呢~~陀二寶又同時要湊大寶係辛苦嘅,間唔中咬兩啖都無咩所謂啦,最緊要陀得開心~ 祝大家孕期順利,媽媽同BB都健健康康! 謝謝收看! 想睇更多阿娘懷孕分享,歡迎光臨Facebook Page《奶油阿娘與寶寶》和Follow Instagram《nylemamaandbaby》。