【Little Habs】   地址：新界將軍澳唐俊街21號翩滙坊地下11號舖 電話：2363 5955 營業時間：星期二至六：8：30 - 17：15 香港全港九新界名校幼稚園【學之園】的附屬PLAYGROUP - 【Little Habs】 (全程英語授課)    【熱身】 唔洗返工既日子都可以輕窿鬆鬆帶陽豬返學 今日好彩奶奶係最後一刻都氹到小肥陽訓覺 如果唔係上堂就大劑 唔夠訓既小肥陽完全會扭到唔洗上 自從上一次完全熟悉自己玩之後 今日都完全可以自己走去揀玩具 揀完玩具坐返去媽咪身邊自己玩 仲唔止揀左一次玩具 然後唱【Tidy up Song】 既時候係可以見到大家一齊執拾 完全係飛躍性既進步 係肉眼可見【質】一樣既進步   【唱遊時間】 唱【Hello Song】既時候 小肥陽已經可以自己企係到 跟住首歌搖搖搖 而唔洗媽咪幫手 雖然【clap】【clap】同【stomp】【stomp】既節拍 捉得唔係太好啦   【點名】  點名既時候 小肥陽已經係完全無有怕 老師叫到佢 佢就識跟老師出去 掛起自己既名牌 再接受所有人鼓勵既掌聲 睇住佢掛完再勁開心飛奔返媽咪懷抱 我感受到佢既自信心同開心既心情 狐狸媽我都不自覺被感染 覺得超開心 我既小肥陽一級棒   【動手感知】 今日要溫故知新 學習返第一堂出場過既動物們 老師首先拎出一隻動物 然後扮演動物既叫聲再問小朋友係咩動物呀？ 一共有5種動物 【dog】【cat】【pig】【sheep】【cow】 跟住老師派俾每個小朋友一個盒 分別裝住依5款動物 俾小朋友摸下玩下 然後放上個盒頂到   老師再拎出一個大盒 分別貼住不同動物既大圖片 老師一叫到個種動物 小朋友就要係自己個盒到搵返 相同既動物拎出去俾老師 第一個出到去既小朋友 會俾老師叫佢學【open】 然後最尾一個出去既小朋友 就要負責【close】   之後再下一個節目係配對 派每個小朋友一個碗 裡面分別有 【ball】【cotton】【button】【bell】【clip】 又係俾小朋友自己玩住先 小肥陽對波最情有獨鍾 玩左一陣每人再會分到一個工具箱 有兩個鎖扣要俾小朋友訓練下手仔 由家長示範一次打開 之後輪到小朋友自己試 小朋友打開之後就要拎碗裡面同工具箱 裡面既物品進行配對 放在箱裡面同一格小格子裡   但小肥陽只係想玩波同玩波   【MESSY TIME】 今日MESSY TIME 係玩啫喱 老師派俾每個小朋友一盆彩虹啫喱 有 【red】【orange】【yellow】【green】【blue】【purple】 首先俾每個小朋友都掂下望下先 然後再俾佢地自己玩自己用手拎起 陽豬超鍾意七彩顏色既啫喱，玩得好興起  然後再俾個【spoon】佢地【scoop】落去個碗到 再俾佢地伸手落去個碗水到玩啲啫喱 咁啲啫喱就唔會痴住小朋友隻手 因為小肥羊都好怕【sticky】【sticky】既感覺 佢會係咁俾隻手出黎講【dirty】     【課室外活動】 今日又有普通話歌堂 唱最經典既【小毛驢】 跟住老師一邊唱一邊做動作 然後就是自由活動時間     【落堂】 返到課室後唱【Goodbye Song】 然後就是泡泡時間 小朋友們都聚在中間追泡泡         如有任何問題，可以留言或者找我喲! ٩(๑Ő∀Ő)۶  歡迎邀約任何試用或出席活動 Email：ttotiffany@gmail.com ig: ttotiffany &babyipip fb: facebook.com/ttotiffany