小小宇宙探索家~太空館初體驗 自從一次係圖書館見到本有隻貓做封面嘅太空書，奶油仔對宇宙就有興趣，好鍾意睇本書，又會揀太空圖畫嘅puzzle砌。 本來諗住等佢再大啲先去太空館，因為知道啲展品內容係深，但最後上星期日都係先去一趟。 星期日黃昏時間，參觀太空館嘅人唔多。果然奶油仔去到都主要係撳掣，亦有啲互動遊戲玩下。一個鐘內就睇完。 我同爸爸都覺得佢應該對太空館應該無咩大興趣，點知第二朝起身，佢開始講返太空館嘅野，問幾時可以上太空。 諗返轉頭，其實只要佢有興趣，都唔洗等大啲先去太空館，因為連爸爸呢位純理科人去到太空館都係未明哂啲展品。 今次嘅太空館之旅，阿娘不斷諗宇宙咁大，咁多奧妙，仲有好多野等住奶油仔呢代嘅小朋友去不停探索！好希望就算開左學，奶油仔都可以keep住呢份對世界嘅好奇心，主動學習，唔好咁快成為一隻填鴨！ 正如蒙特梭利咁講 “The goal of early childhood education should be to activate the child's own natural desire to learn. As children are curious by nature, they learn best when the interest grows from within.”  離開太空館剛好8:00pm，海旁有light show。個晚個天超清，除咗睇到月亮好大好圓，仲好罕有係咁光嘅市區見到咁多星星~突發奇想～奶油仔大個會唔會住左係其中一個星球到呢～～ #佢地大個移民上太空其實都唔係太出奇姐 #我媽生我個時都無諗到而家個世界變成咁啦 謝謝收看！   想睇更多阿娘懷孕分享，歡迎光臨Facebook Page《奶油阿娘與寶寶》和Follow Instagram《nylemamaandbaby》。