話說上星期六，我同囡囡去咗 Y Square 青年廣場 表演。 完show後， 執埋嘢成十點幾。 好彩一早book 定樓上嘅青年旅舍。   無錯係「青年」， 四周格局都好 文青 架!!               唔似一般酒店， 裝修有家嘅感覺， 而且仲可揀有露台。   (景可以係望内園草地或者我哋間房咁望開揚街景)   (不過個冷氣有少少噪，如果要好靜先瞓到就要帶備耳塞)   第二朝我哋因為趕住返屋企同工人姐姐道別， 所以喺旅舍行咗一個圏參觀一吓就走。   **空中花園**       內園嘅小草地， 側邊有d櫈。     小朋友喺度跑跑跳跳， 大人喺櫈度坐吓都幾寫意。 (但當日保養中~而且玩時唔好咁大聲噪到樓上嘅住客呀)   **空中跑道** 高空嘅緩跑徑，俾小朋友跑吓放吓電。 (但都幾曬吓)   **健身室** 啱大人only。     **圖書角 小型圖書角~估唔到都有d兒童圖書，不過較適合年紀再大些嘅小朋友(小學生)。 (注意個圖書架係有噴粉，阿囝件衫中咗橙色粉，不過好彩係洗得甩)   **3D打卡位** 估唔到有個3D打卡位，仲有長頸鹿同其他公仔。   地下仲有奧運選手運動員打卡板。       **文青商店** 有獨特風格嘅商品出售，充滿文青風。   **鐵路的終端** 可以喺高空欣賞鐵路的終端，頗特別的體驗呢~ 小朋友睇得好興奮。   **男兒當入樽**   期間限定嘅投籃活動， 當日早上阿囡好想玩， 而阿囝好想玩多次， 但原來只開下午2時至6時。 (之前一日，我同囡囡喺青年廣場綵排中，囝囝同爸爸入咗去玩) 玩完仲有小禮物，   不過地方細細同埋只係玩一陣，好似得一局。   (專登去就唔好，去開附近可以去玩吓)   地點: Y 展覽平台E區 日期: 28/8-29/8 時間: 2:00p.m.-6:00p.m.     ~旅舍唔係走親子路線， 但風格都幾特別，有另類嘅體驗。 ~因果朝趕住走， 所以冇係附近行。 可以喺筲箕灣站搭小巴 入 大浪灣 和 石澳 玩吓沙游吓水。 ~旅舍只提供小毛巾，須自備大毛巾和沐浴露等用品。 ~入住當晚係農曆七月十四日， 附近亦近墳場。 平生不作虧心 ~ 夜半敲門也不驚~ 當晚... ... 係乜事都冇， 不用擔心。   *****Y旅舍****** 柴灣港鐵站A出口穿過商場，沿天橋行便到達。 (只須3分鐘) (豬隊友竟然行樓梯落咗地面馬路)   (百忙中抽空寫架，歡迎俾個like支持吓^^) 其他staycation 分享: ~獨角獸主題房~少女心大爆發~人均低至160元~人氣 https://www.facebook.com/Miss.swanswan/posts/492607552173137 ~走進超萌動物世界~Conrad Hotel 期間限定~人氣 https://www.facebook.com/Miss.swanswan/posts/543357257098166 ~親民價staycation~私人playroom https://www.facebook.com/Miss.swanswan/posts/565640121536546 大家暑假又做咗甚麼呢? 祝大家有一個愉快的暑假~ 我會繼續為大家發掘和介紹更多好去處 歡迎讚好以下專頁~***更快***得到更多免費資訊~~~ ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82 唔好錯過以下文章啊 !!! 其他創作文章(包括60個好去處): https://www.facebook.com/Miss.swanswan/posts/341412797292614