8月頭晞晞生日，左諗右諗去邊間酒店好，忽然有一日見到 沙田麗豪酒店 推出左以巴士為主題嘅住宿package 考慮左一兩日就訂了。     「饗。樂駕期」package 包括： -九巴主題客房住宿一晚（設有一張兒童巴士床） -自助早餐 -自助晚餐 - 每位小朋友暢玩兒童電動車四次 - 每位小朋友於1:1 真巴士駕駛艙拍照2次 - 每位小朋友獲贈一架1:120 九巴模型 我地兩大兩小，星期日入住一晚合共$1988       我地去當日只得兩位職員處理check in 流程，所以都等左一陣， 拎曬所有遊戲券同餐飲券、 兩部九巴模型就上房啦。     漱口杯同毛巾都幫我哋預備咗三人份量， 不過係冇任何兒童用品提供，需自備。   九巴主題房全部都係提供一張大床 雖然話係兒童床，但我都岩訓架 對住城門河 因為係想幫晞晞慶祝生日， 預先打去問咗酒店有冇任何生日佈置或者特別offer， 回覆係冇嘅，咁就自己黎啦     4點幾落去玩電動車， 呢個時段比較多人排隊，場內一共有四部電動車， 每次玩5分鐘， 兩兄弟玩完一輪唔夠喉， 排隊再排隊玩過，共玩左三次先肯走     再落去lobby同巴士駕駛艙影相， 呢個就少人排隊好多。     準時6點去濠餐廳食 Dinner Buffet， 呢間餐廳應該係甜品同冷盤為主。 班蘭味雞蛋仔同原味雞蛋仔、 芝士撻、葡撻 豆腐花、各式軟糖 兩兄弟都食左好多隻蝦 呢半隻龍蝦同蠔係每位成人一份 刺身區有原隻蟹     食飽番房沖涼，依家去得staycation ，當中最重要一環非泡泡浴莫屬佢呢隻沖涼液可以整到好多泡         起身影番幾張寫真先 再落去濠餐廳食自助早餐，不過真係好輕盈......得好少野食 粥、 麥皮、粟米片、 麵包、蛋糕仔、炒蛋、漢堡扒、薯餅 食完番上房攤抖多陣，再玩埋最後一次電動車就12點check out。     check out 後去埋附近嘅 沙田交通安全公園玩，真係超級近，酒店行過去5分鐘都唔使。 可以自己帶單車滑板車去踏，仲有個公園玩，啲設施俾平時啲公園新穎啲。 洗手間完全切合哂小朋友，坐廁同洗手盆高度都係為小朋友而設                     產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]