#回帶 #生日月 #自助餐 #buffet_kidsconner 灣景酒店 「童」遊暢聚-午後自助餐與兒童遊樂 8月份係我同唯爸既生日，我一向安排食餐好既慶祝下！ 今年就去左 #灣景酒店 既「童」遊暢聚-午後自助餐與兒童遊樂！   灣景酒店我同唯爸已經去過好多次，但今次有自助餐，又有兒童遊樂設施，真係第一次見!! Kids Conner地下鋪晒軟墊，十分安全，有車、有滑梯、小黑板、帳篷等等，足夠小朋友餐前/餐後消磨時間。連二寶都襯開始未有人玩，入去影左幾張相打卡   酒店自助餐一向有水準，自助午餐都絕不欺場！ 冷盤有魚生飯、壽司、冰鎮海鮮、新鮮沙律、芝士拼盤等； 熱盤有炒飯、焗長通粉、中湯、西湯、點心、粥、Pizza、薑醋等多款熱葷 甜品區有多款甜品、即制窩夫、MÕVENPICK 雪糕、朱古力噴泉、爆谷專區仲有部爆谷機，大小朋友都食唔停口~     最特別既係飲品!! 我呢位奶媽可以飲「啤酒」…係「#奶酒啤酒」至岩！ 用奶油特製既 #無酒精「奶酒啤酒」，連小朋友都可以飲到！軟滑既奶油，入口酸酸甜甜，好滿足！ 我另外點左 #冰涼特飲 俾唯爸，可惜被維尼b搶左去飲 食完當然再去Kids Conner玩多轉，仲著埋 #魔法師攝影服飾 影相，維尼b好開心，即場話要變魔術俾我睇 叫得親子好去處, 酒店當然有HIGHCHAIR (兒童餐椅) 提供, 二寶都可以一齊坐, 食下生果同BB米餅!   傷健廁內仲有換片板提供! 睇下二寶幾開心! 酒店環境好靚, 有落地玻璃, 有需要訂位時可以提出要求, 酒店會盡量安排~     話時話，點解啲相好似唔見唯爸既？ 我… 好似又唔記得咗一家四口影左張，佢又做左攝影師，無份入鏡……   「童」遊暢聚-午後自助餐與兒童遊樂 每位 $228 *已包括加一服務費 惠顧可享7折優惠 !! 逢星期六 下午3時至5時 另加 $18 可尊享冰涼特飲1杯或無酒精奶油啤酒1杯及免費使用魔法師攝影服飾10分鐘。 #冰涼特飲款式不定期更新 #攝影服飾為單一尺碼 #已包括加一服務費 #折扣優惠不適用