轉眼妹妹又已經踏入18個月，1歲半階段。   又係時候要返健康院拎成績表啦!!   疫情之下，好多嘢都同以前唔同晒!!   2016年家姐和牛B一歲半嘅健康院流程 --> 舊文重溫   今次返到嚟，同樣都係先登記取飛仔等叫名。 同時，多咗一份問卷。     問卷問題: 1. 孩子可以自己走路? 2. 孩子會用手指指著想要的東西，來向你表示需要? 3. 孩子會按你的口頭指示，正確地指出某些身體部位? 4. 孩子會正確地指出身體的哪個部位?  5. 請你盡量圈出孩子會主動說的單字或詞語 (亦可自行加單字或詞語)   首先，磅重方面。 因為妹妹已經可以自己站立，所以已經唔洗再瞓上磅啦~ 可以除鞋仔，換條乾淨片片，直接企上磅到磅重~   成績都唔錯，妹妹而家9.55kg       之後就等嗌籌號同姑娘見面，姑娘都係簡單問返妹妹食幾多餐奶、固體餐。 有冇食零食，食咩零食。       見完姑娘就等打針了~~ 一歲半打兩針，而呢兩針唔再係打大脾仔，係打手臂嘅。   1. 白喉、破傷風、無細胞型百日咳及滅活小兒麻痺混合疫苗 - 加強劑  2. 麻疹、流行性腮腺炎、德國麻疹及水痘混合疫苗 - 第二次*   呢兩針都或會有發燒、出紅疹嘅反應。 如果睇醫生，記得同醫生講唔好開含有亞士匹靈成份嘅藥。   妹妹針後當晚，體溫比平時高，但就冇發燒。 到第二日，開始有輕微發燒。 用毛巾抹身，已降到溫所以暫時都唔需要食退燒藥。   每次返健康院後，都會有小禮物。 就係配合年齡發展階段嘅育兒天書!   ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/