【Little Habs】   地址：新界將軍澳唐俊街21號翩滙坊地下11號舖 電話：2363 5955 營業時間：星期二至六：8：30 - 17：15 香港全港九新界名校幼稚園【學之園】的附屬PLAYGROUP - 【Little Habs】 (全程英語授課)    【熱身】   早知道今天是最後一天 媽咪應該要穿得漂漂亮亮 像第一天去的那樣 但是千金難買早知道 早到太多 跟陽豬去了超級市場買咖啡 因為附近地方都沒有罐裝樽裝咖啡買 買完才去上課  又可能因為今日係最後一堂 有好多未見過既家長都帶住小朋友入去上堂 好多媽媽都俾另一半 俾爸爸帶入去上最後一堂 超級充足既熱身時間 每個小朋友圍埋一齊㨂自己想玩既玩具 然後【Tidy up】既時候 每一個小朋友都識得執拾 亦都會主動去執拾玩具放入玩具箱到   同兩個月前岩岩開始上堂個陣 真係進步左超級多 難怪咁多人鍾意教小朋友 因為係睇得到既飛躍性既理解同成長 會有好大既滿足感    【唱遊時間】 唱【Hello Song】陽豬豬一開波就狂拍手 不停【Clap】【Clap】【Clap】 攪到老師狂笑佢 然後佢就唔好意思再拍 靜係跟住音樂搖搖搖     【點名】 點名時間 陽豬已經不停想衝出去 叫其他人既時候  佢就不停掙扎 不停訓地下 想要衝出去 到真係叫到佢名啦 佢就靜左落黎 老師再叫一叫佢名佢先識得走返出去 接過佢自己既名牌去掛 掛得好順暢 然後受到所有人既拍掌讚賞 超級興奮 媽咪都為佢驕傲   【動手感知】 可能因為今天是最後一堂課 所以今天特別多活動 第一個活動是分辦黃色和橙色的波    　 在一個箱子裡抽出老師所說的顏色的波 老師叫【Yellow】就抽出黃色的波 說【Orange】說要抽出橙色的波 但小肥陽只喜歡黃色的   下一個活動是去拿汽球 橙色的汽球 【Orange】 然後跟著老師走一圈 排好隊【Line up】 然後老師會教小朋友【kick】 【kick】過的小朋友說重新再排一次隊 每人都可以【kick】到兩下     【MESSY TIME】 到了MESSY TIME 超級多玩具  首先是玩水的已經令小肥陽非常興奮了 仲唔係小小水 係超級大的一盆水 然後仲有波波 俾佢地放入水到按落啲水  波波之後仲有撈網可以俾小朋友撈波波     撈網之後仲有仲有 仲有淋花水壺 可以裝水之後俾小肥陽淋水 咁有淋花水壺 緊係仲會有花啦 老師仲教小朋友辣手摧花 一片一片咁 或者一大片一大片咁整落盤水到 然後又教下小朋友要幫花淋下水呀    總知玩到成身濕哂   【課室外活動】 媽咪已經忘記了 最後的一場課外活動情況了     【落堂】 返到課室後唱【Goodbye Song】 小肥陽喊到死 之後發現原來係屙左POO POO 所以超級唔舒服 攪到最後既大嘅合照到影得超級差 佢老師仲講笑話可能係陽豬要升班 唔捨得佢所以狂喊   【後話】 本來最後一堂的照片以為拿不回來了 但在媽媽的堅持不下(你確定不是死纏爛打?! 終於跟Little habs 的經理溝通後能拿回來了 失而復得的感覺令狐狸媽我興奮開心了一整天 萬分感謝把所有相片都下載了的另一位媽媽 才能令我和另一位都下載不了的媽媽 都能拿回自己寶貝的相片     如有任何問題，可以留言或者找我喲! ٩(๑Ő∀Ő)۶  歡迎邀約任何試用或出席活動 Email：ttotiffany@gmail.com ig: ttotiffany &babyipip fb: facebook.com/ttotiffany