【 迪士尼彼思動畫迷必去的展覽 】 科學館最近大熱的《彼思動畫的科學秘密》展覽終於book到喇！展覽啱啱開始時真係好難book位，每日7點準時上網預約都book唔到想要的時段。但而家容易好多了，假日都book到入場真係好開心。   場內場外都有熟悉的迪士尼卡通人物場景打卡影相，門口打卡位影完就入場喇！Gogogo～～～ 展覽分為8個區域，每個展區都有不同的互動展品或實物模型，可以俾參觀者透過互動小機關了解彼思動畫製作的不同技術程序。 原來以前的動畫製作係由原稿一頁頁咁畫，直到而家已經發展到用電腦的3D構圖技術，真係好佩服佢哋的創作力！   Aidan和朋友仔們玩得好開心呀！佢哋好鍾意設計迪士尼角色的細節，例如設計一個獨一無二的Wall E機械人，設計怪獸大學宿舍房間的傢俬擺設，仲有多莉海底的燈光和氣氛都可以自己調節架，十分有趣！ 有博物館全年通行證可以免費入場，展覽入場後可以無限時參觀，參觀完Pixar可以去玩埋常規科學館，足夠小朋友玩大半日呢！   如果你哋都鍾意迪士尼Pixar，就千祈唔好錯過佢哋首個展覽喇！快d預約啦！ ～·～· ～·～· ～·～· ～·～· ～ 《彼思動畫的科學秘密》 展覽日期：即日至2021年12月1日 地點 : 香港科學館地下展覽廳    網上預約 : https://hk.science.museum/ms/pixar2021 預約系統於每天早上7時更新，可供預約未來7天之入場時段。 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com