好多準媽咪的共同煩惱就係「點坐月好呢?」 阿娘第一胎同今次都係叫月子餐，再加陪月員。第一胎陪月員就係我老公!今次知辛苦啦，請個真陪月，主力照顧初生寶寶~而阿娘自己的產後調理和提供人奶營養的重任就交俾月子餐啦! 過來人再次苦口婆心，超長氣一再提醒各位靚媽，產後坐月膳食真係不能輕視!坐月坐得好等於**重生**，不單幫助恢復生產所流失的一切，仲可趁機會強化體質，令身體好過生產之前!而好的月子餐正正可以透過食療調理，提供豐富營養，令媽咪們元氣恢復！ 今次阿娘試食係良月「足三十日月子餐」，最吸引我的賣點包括： -餐單由專業團隊，包括註冊中醫師、註冊護士助產士、營養師、資深陪月導師製定，再由中醫師根據媽咪體質度身訂造 -食材安全：無激素及抗生素肉類及本地有機蔬菜 -每日香港新鮮製造 -由專屬車隊送抵 -有3款30日的套餐組合，任均選擇： 1.基本套餐：早、午、晚餐+湯水+代茶；午晚餐一餸一菜一飯 2.進階套餐：早、午、茶、晚餐+湯水+代茶；午餐一餸晚餐兩餸及一菜一飯 3.金裝套餐：早、午、茶、晚餐、宵夜+湯水+代茶；午晚餐兩餸一菜一飯 今次試食的金裝套餐組合，餐單非常豐富，食材多種類又健康： 湯：排骨粟米淮山湯 早：紅棗栗子粥 午：菜心炒肉片，薯仔炆排骨，彩椒，白飯 下午茶：番薯糖水 晚：西芹彩椒炒肉片，冬菇雞粒豆腐，彩椒，白飯 宵夜：燉蛋 代茶：紅豆桂圓茶 阿娘都算係嘴刁，平時食嘢都好有要求，一齊睇睇詳細試食報告： -保暖做得好   -白飯用日本米，非常軟熟 -青菜非常新鮮嫩綠，保鮮做得非常出色！好少見外送嘅菜可以咁翠綠，好似啱啱煮熟咁 -肉類鮮味十足， 肉質嫩滑 -湯水同代茶都好足料，好夠味 -燉蛋及糖水都係微甜，啱哂坐月媽咪，享受甜品之餘，又夠健康 坐月咁辛苦，有咁好味又有營養嘅月子餐，為媽咪帶來最好嘅調理，自然happy mum, happy baby, happy family! 祝各位孕媽咪繼續陀得開心順利！生個可愛健康BB！ 謝謝收看! 想睇更多阿娘懷孕分享，歡迎光臨Facebook Page《奶油阿娘與寶寶》和Follow Instagram《nylemamaandbaby》。