之前去過開心花園農莊，好感度已經頗高， 因為一個地方可以滿足不同願望。 遊樂場，餵動物，彈床，打卡都ok! 唯一就是遊樂設施有點舊⋯ 之前看見開心花園農莊的臉書公布加添了新設施，係時候再去玩啦! 果度其實係一個BBQ場，不過唔BBQ付入場費去玩都可以， 場地也提供免費泊車（車位有限先到先得） 開心花園農莊 入場費：$50/大小同價 跳彈床：$80（憑手帶任玩/彈床只在假日開放） 地址：大棠山道 Facebook page: https://www.facebook.com/happygardenfarm 新設施 全新的彈床： 全新的彈床應該有三組，但我們到訪時只有兩組，之後去的朋友放電可以更盡情。粉色蛋糕的彈床實在令媽媽的少女心爆發呢～ 巨型滑梯遊樂組合與攀爬架： 藍色為主調的滑梯組合是全新的，有不同長度的滑梯，不同年紀的小孩都岩玩 。五彩繽紛的攀爬架也是新換的，用來拍照的效果也很不錯。 新增打卡位 除了玩樂設施，場內也有很多拍照位置，無論瘋狂影小朋友或拍家庭照都適合。 夾公仔機 也新增了夾公仔機，寶石機，媽媽都要一齊玩～ 動物空間搬到了彈床後面的位置，感覺更自成一角，飼料可於場內購買。 今次發現很多設施都換新了，而且多了很多拍照位置，可以同小朋友影多啲靚相 溫馨提示：惹蚊人如我，一定一定要噴多啲蚊怕水！ 天氣太熱，今次我哋都係逗留大概兩個鐘。臨走嘅時候聞到好香嘅燒烤味道，天氣涼啲係時候可以燒烤啦～ 下個月就係小火子生日，努力物色派對場地中，到底去返年年都係嗰度，定係搵新地方好呢？大家有冇好推介呀？ 謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁: <貓町媽媽 親子 玩樂 扮靚日誌> https://www.facebook.com/catdingmama/ 加我IG: catdingmama https://www.instagram.com/catdingmama/?hl=zh-tw #親子 #開心花園農莊 #大棠 #動物 #彈床 #遊樂場 #燒烤場 #放電