「非廣告」真心想推介呢隻小朋友用嘅益生咀嚼片，我真係試咗好耐先敢介紹出嚟！如果之前有留意開貝貝嘅話，都知我一直最擔心佢嘅便便之路，佢身體真係唔知咩構造，以前可以谷埋5-7日先去一次，最嚴重試過幾次都係10日先痾！仲要每次都企起度谷足幾日先痾到！之後下一個cycle好快又黎！ 但原來i am not alone，因為好多媽媽都DM我有相同情況！次次都叫我有辦法就通知大家！果種情況真係令人好著急！又氹又鬧又迫都試過，畀好多唔同嘅飲品水果益生菌都試過，精油搓肚都試過，但用咗好多辦法都幫唔到佢，同埋佢以前唔慣廁所痾，死都要著片企起度，唔肯坐低都係最難痾嘅原因！以前每次睇到佢成功，我同貝貝都會一齊眼濕濕，攬到實一實爭啲我都會喊出嚟！ 慢慢地佢唔知點解突然開竅，肯坐低去！之後有次買咗呢款益生菌咀嚼片佢試，（之前買過沖劑但完全唔WORK，仲好易畀佢識穿我溝咗野）見呢隻款成粒糖咁，又係士多啤梨味，呃佢話係糖咁氹貝貝應該都肯食！買完滿心歡喜拎返屋企畀佢試，食完無幾耐，竟然無啦啦嘔！但佢個盒真係咁寫架喎，頭幾次食佢腸胃可能會唔舒服，但慢慢佢適應咗就會無事！果晚嘔完之後無幾耐，佢又真係好快就去咗，仲去咗兩次！但其實我又驚佢再嘔，唔係好敢畀佢食，佢都有啲抗拒，每次叫佢食都話驚食完嘔嘔，我唯有靜待佢再ready肯食先畀佢食，同埋唔好飽肚食。有一排見好多日無去，就建議佢再食，佢有幾次都係lam幾啖就唔要，但慢慢佢又肯成粒食，佢亦都無再嘔過！最近仲會每日主動提我今日未食，有時仲要我早晚都俾！所以呢排都維持到2-3日一次，而且坐親廁所一兩分鐘就搞掂！！（以前真係企喺度谷足3日，連坐梳化都唔敢坐！）   唔敢sure係咪個個小朋友都work，但至少我地係成功嘅！有興趣自己睇相搵啦！記得唔係買沖劑，我係買咀嚼片！   ————— FB: https://fb.me/bowlpui   IG: https://www.instagram.com/bowl_lam/   #貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活