客廳落地玻璃全海景、 睡房落地玻璃全海景、 海景common room 、 海景gym. room 、 海景游泳池同埋 海景餐廰。       個環境真係一流， 因為一d原因， 我哋會係度暫住汀蘭居兩個月， 來一個 真實評價 。         房間: 聽聞所有家庭大房都係面向海， 細房面向樓。（建議訂前查詢）   我哋住四人房，一客廰一睡房一廚房和一廁所。     因為睡房只有一張比一段雙人床少少大嘅雙人床， 我哋要求將客廳嘅梳化變做梳化床。         但張梳化床真係唔好瞓，中間凹咗落去，好唔舒服。 辛苦隊友每晚做廳長，仲要瞓張咁嘅床。       第一次喺度用花曬沖涼， 發覺水浸， 原來因為去水較差。 可能用浴缸較好。           聽聞最伏嘅係有果d野... ...       第一晚住: 得我哋三母子，隊友因要搞舊屋嘅事留係舊屋。       咪話唔驚，我真係有少少驚... ...始終好多傳聞... ...       當晚， 囡囡半夜醒咗， 大叫: 「邊個開咗度門??」       當時太黑，我又驚驚地唔敢望咁清楚， 之後阿囡話: 「細佬你仲乜爬向衣櫃?」       阿囡表示好驚， 我安撫咗陣，先安心瞓番。       第二晚住: 度門又再二度開啟， 阿囡又尖叫!!!!       原來係囝囝夜晚去完廁所，開門入嚟... ... 解畫: 阿囝因為生得矮， 張床遮住咗， 所以阿囡睇唔到佢入嚟。       好彩之後都冇乜異樣。       其實房間都大同舒服，而且望住個海令人心情都好d。 雖然廁所裝修確實舊咗D， 但價錢上比一般海景酒店來說較平。   Staycation嚟講，其實真係唔錯!!       設施: 海景gym. room同埋海景游泳池。       海景游泳池都算幾大， 而且由唔同嘅馬塞克組成， 別具特色， 而且仲可以望住個海同汀九橋， 有海有船，仲有飛機經過。           不過水深1.5米，而且泳池有些柱，記得看管好小朋友。       聽聞以前有水泡提供，但現在唔見有了~ 記得自備呀~否則入到去先知，冇得玩就掃慶。 孖媽識游水，但游得唔叻，水會浸過我個頭，所以我冇落水。       我哋試咗個80元一位嘅海景自助餐，值唔值得食? 好似幾吸引， 所以喺25/9(六)， 我哋一家四口去咗試吓。   環境: 4(5為滿分) 環境確實唔錯， 尤其窗邊可以對正個海。     空間感大。 某部份天花係玻璃， 透射自然光。     食物: 3 (5為滿分) 坦白講， 相比於其他酒店嚟講， 款式選擇很少。 西式有雞蛋、火腿、腸仔、茄汁豆同粟米等。 中式有白粥，另有油炸鬼同其他送粥小食。 當然仲有沙律、烤蔬菜、水果同埋不同類型嘅cereal。   小朋友好鐘意個meiji yogurt， 有士多啤梨、藍莓、原味和椰子味。 安排得最好嘅係牛角包同其他酥類都有個爐暖住， 所以食落暖暖脆脆， 好好味~     另外，有部pancake 機俾小朋友扮 Ironman ， 有得玩有得食。   而且配料有好多款， 有kitkat、oreo、彩色朱古力碎、杏仁片和花生碎等等。   飲品方面， 有橙汁、蘋果汁、各類咖啡和茶。 雖然款式少， 但食物新鮮和質素不錯。 因曾食過一間酒店自助早餐， 款式雖多，但食物唔新鮮，質素好差。   所以我覺得食物可接受。 不過隊友嫌款式太少。   服務: 5(5為滿分) 服務員樂於服務， 而且不時同小朋友傾計， 風趣幽默。 仲根據小朋友嘅顏色喜好， 提供小朋友餐具。   價錢: 3.5(5為滿分) 80元任飲任食3小時，另收加一 (大小同價，3歲以下免費) 由於3歲以上都要收全費， 所以若小朋友年紀小， 食得唔多， 唔算抵。   但如果小朋友年紀大D， 可以食多D， 我覺得都算抵。   以上純粹個人意見 非廣告 ~真實評價   地點: 汀蘭居地下Bay's Kitchen & Bar 日期: 逢星期六日及公眾假期 時間: 7:30a.m.-10:30a.m.     冇得book 位，我哋果日7:30a.m.就落去食。 想坐窗邊位要早d落去霸位啊~   當日係星期六， 所以冇乜人。 如果星期日， 我諗會多d人。 附近仲有乜可以食， 下次再介紹。       附近景點: [ 親子好去處 ] 期間限定貓咪海濱+偽鳥居隧道 https://www.facebook.com/Miss.swanswan/posts/593127655454459       仲有其他架~ 得閒再寫啦~       我成日話d度係荒島， 但其實唔係真係島上， 只係交通唔太方便， 而且附近冇平民食肆同便利店。       不過環境確係清幽恬靜~~             我會繼續為大家發掘和介紹更多好去處❤️❤️ 想????搶先睇????到我哋嘅相和文章， 請????????????????????讚好以下專頁: ~Facebook page: https://www.facebook.com/Miss.swanswan       ~Instagram: (更多孖寶和孖媽的生活趣事) https://www.instagram.com/little_twin_stars82       ????????唔好錯過以下文章啊 ???????? ✨✨其他創作文章(包括✨70個好去處)✨✨: https://www.facebook.com/Miss.swanswan/posts/341412797292614       #親子blogger #全職媽媽 #親子日常 #hkblogger #hkmom #hkinfluencer #暑假 #好去處 #親子活動 #假日好去處 #夏日好去處 #週末好去處 #親子 #放電 #本地遊 #hkmummyblogger #親子博客 #parentingblogger #staycation #hkstaycation #親子日常 #育兒日記 #育兒日常 #龍鳳胎 #littletwinstars #雙胞胎 #龍鳳孖媽