得知「Happy Garden Farm 開心花園農莊」添置/ 換咗唔小嘅玩樂設施，玩樂空間仲比之前大咗，而且每一層更仔細域分咗唔同嘅玩樂區域，所以我哋今次就帶埋弟弟一齊去玩個夠本。 其中最吸睛嘅就一定係喺入口當眼處附近新添置嘅大型攀爬架玩樂設施，一整座攀爬架有差不多達十款唔同類型嘅滑梯，而且上下兩層高，適合唔同年齡小朋友玩，更設有攀爬繩網陣，啱曬鍾意挑戰嘅小朋友。 除咗新增設咗嘅大型攀爬架外，佢哋更有四款大型吹氣跳彈床，四款都刺激好玩，兩兄弟玩到超放電，而弟弟玩咗一陣，平衡感都好咗添。 註：必須穿上襪子方可使用。另外，充氣彈床需額外收費，全日任玩$80 （幼童可由家長陪同使用）                 ▲相片擷取自開心花園農莊 ▲相片擷取自開心花園農莊 ▲相片擷取自開心花園農莊   玩樂區： 另外，每一層都有唔同玩樂設施，層層都有特色，Alfred表示樣樣都好玩。   ▲見到兒童健身區真係好suprise ，因為真係好特別，比較罕見。   ▲玩童健身區       ▲大繩網鞦韆 ▲小繩網鞦韆     ▲仲有搖搖飛機同其他小遊具   ▲木製攀爬架     ▲轉轉馬   ▲不同類型嘅車仔       ▲小飛機滑梯   ▲彈彈馬   ▲沙池   ▲搖搖馬   ▲各款鞦韆     另外，佢哋亦有另一組比較適合細啲嘅小朋友玩嘅攀爬架，弟弟爬上落下，玩得好開心又超放電，不過呢個攀爬架相對其他設施就比較舊啲。         影相打卡位： 除咗唔同嘅玩樂設施外，呢度都有唔小嘅打卡影相位呀！           夾公仔機區： 呢度仲有十幾部投幣式夾公仔機同籃球機。 動物區： 而家嘅動物區比起之前大咗好多，包括有山羊、豬同龜等。另外，可以另付費買飼料餵下小動物。         ＢＢＱ區： 呢度仲有一個ＢＢＱ埸，就算唔ＢＢＱ都可以比入埸費嚟玩以上設施。而ＢＢＱ食物款式都幾多同埋目測都幾乾淨企理。               總結：我哋由Alfred一歲幾嚟玩到而家六歲幾，好感度Keep 住高，因為我留意到，呢度嘅玩樂設施會間中更新／替換，如果以一個有燒烤場嘅農莊嚟講，玩樂設施真係非常之多，真係一個地方可以滿足唔同小朋友玩樂嘅願望（遊樂場／彈床／餵動物／影相打卡／採摘士多啤梨＜冬季限定＞及其他本地新鮮農作物即摘即買）。   溫馨提示： - 保護環境，自己垃圾，自己帶走。 - 請做好防曬或防蚊措施。 - 疫情緩和都唔可以鬆懈，記得勤手洗/搓手，勿摸眼、口、鼻。 - 場內設有免費停車位，但數量有限，先到先得。    ========================================== Happy Garden Farm開心花園農莊 地址： 香港 元朗 大棠山道 (往大欖郊野公園方向) 電話： 6018 8755(黃小姐) 網址： https://www.facebook.com/happygardenfarm/ 入場費：HK$50 (大小同價，不足一歲可免入場費) 跳彈床：HK$80 全日任玩 (只適用於星期六日及公眾假期)    ========================================== （以上資料更新至撰文當日） 聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩MeWe，歡迎追縱： https://mewe.com/p/AllAboutAlfred/ 追踪更多育兒生活分享，請按 Alfred 成長日記