為咗小朋友健康，媽咪唔識煮都會努力學！大家有無發覺出面麵包愈食愈唔飽嗎？ 我身邊有親戚喺麵包店打工，見過師傅做麵包都係落超多膨脹粉，店家想麵包要幾大有幾大，食咗唔飽，更加愈吃愈唔健康，所以我都努力試做麵包，第三次終於成功，頭兩次我都差點放棄啦，成功咗兩個為食貓就有健康麵包做早餐同下午茶啦！   炮製麵包沒想像中困難，不用手揉，快做起來  高筋麵粉250克+有機豆奶175ml+雞蛋1隻 牛油14克+酵母粉3克+鹽3克+糖8克 1. 麵粉過篩，全部材料混合至無粉狀 2. 保鮮紙封面，發酵至兩倍大 3. 均勻攪拌3分鐘，分8份 4. 由外到內摺向中間，收口向下放烤盤 5. 保鮮紙封面，發酵至兩倍大 6. 麵團面上放芝麻，再塗上蛋黃液 7. 焗爐預熱，160度焗20分鐘，搞掂 見到實物超滿足，兩個小朋友好捧場，就連老公都讚呀！ #一次發酵約1小時 #二次發酵約半小時 #每個焗爐效能不太一樣 #烤焗時間只作參考   一步一步教你做零難度懶人美食~ 洋蔥豬扒都可以好好食 超人氣入味之選！滷水炸豆腐蛋 親子共飲！潤膚養顏雪耳海玉竹湯 ===================== 我哋每個星期五有懶人食譜，同親子育兒日常開心分享，記得追蹤呀！ like及搶先看專頁！Kylife與二寶之日常 追蹤IG！kylife.babies ----------------------------------