**Facebook page giveaway 活動進行中** Kids Kids Car 之前告別MegaBox，大小朋友都依依不捨⋯ 告訴大家一個好消息：就是Kids Kids Car 已用新形象登陸尖沙咀 #中港城。 除咗電動車之外，仲新增咗 #動態區 同 #靜態區，玩車，放電，打卡一take過！ 早前出席左Kids Kids Car既Halloween Party, 大小朋友都玩得好投入（見我哋嘅悉心打扮就知啦 ^-^） 中港城嘅Kids Kids Car 分為三個部份：#賽車區，#動態區 同 #靜態區。雖然電動車種類少左，但有更多遊樂設施，感覺更好玩！ – 賽車區：提供兩款電動車：迷你私家車，道路小英雄 – 靜態區：分為超市，廚房，郵局，消防車，公主化妝枱等區域，提供消防員或公主等造型服裝，玩下影下相都唔錯！ – 動態區：有小朋友最愛既彈床，AR動感遊戲(小火子最愛），亦適合幼兒嘅小滑板同積木。 場地更設有 #生日會場地，不過房間就唔算好大，溫馨既小家庭聚會都可以考慮。 Kids Kids Car 地址:尖沙咀廣東道 33 號中港城 UG/F 29-30 號舖 查詢:5646 2499 營業時間: 星期一至五 12:00–19:00 ; 星期六日及公眾假期 11:00–20:00 不過留意番3個區域並非在同一個範圍，靜態區在賽車區對面，動態區就要行過幾個鋪位。 玩車有人數限制，假日可能需要稍等。 玩完Kids Kids Car仲可以去埋樓上既 #合味道體驗館，中港城假日有時都會有市集，可以順道支持下！ 謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁: <貓町媽媽 親子 玩樂 扮靚日誌> https://www.facebook.com/catdingmama/ 加我IG: catdingmama https://www.instagram.com/catdingmama/?hl=zh-tw