上年年中既時候, 同PAPALAU再相量完都覺得都適合比BABYLAU番學 - 因為簡單指令都聽得明, 最主要開始溝通到 就係因為咁, 我地都算係遲報N班個一批既家長, 所以只係幫BABYLAU報左三間幼兒園 - 啟思、迦南、靈糧堂 BABYLAU當期時未番過PLAYGROUP'' 因為我地想幫佢報BC既學前班要足19個月先上得 所以準備INTERVIEW我地大多都係屋企同佢玩下玩具, 認下動物, 認下圖畫, 認下顏色 叫做盡努力備戰HAHA 啟思上年既面試改為面見日, 主要都係想比家長認識下幼稚園同小朋友入讀之後每一個年級學習既知識有咩唔同 咁去到當日, 報到完就由老師帶我地參觀學校'' BABYLAU都仍然好合作肯自己行, 跟住老師去一間課室玩玩具 而我相信係呢短短5分鐘, 就已經係INTERVIEW左'' =V=  因為老師問BABYLAU呢隻小動物叫咩名, 而佢答: Giraffe '' 再之後玩拼圖, 要求佢拼番落相對應既形狀度''  從中又問呢個圖畫係咩黎'' 最尾會叫BABYLAU幫手收拾玩具 雖然成個過程好短, 都好似好輕鬆, 老師又一邊介紹緊學校, 但我深信應該係呢PART老師會觀察小朋友表現去作評估 因為之後都係介紹課程為主, 同因為真係人數多, 老師接住又要跟下一組既家長同小朋友, 我地係極速BYEBYE左 XD 迦南既面試相對比較FORMAL'' 冇啟思咁輕鬆'' 報到左之後會先請家長同小朋友坐底, 齊齊聽園長介紹一下學校同睇片 (大概4-5分鐘) 真係好建議點都好帶定書去比小朋友睇 因為BABYLAU係一個好動寶寶... 佢真係坐一陣就想逃走去搵玩具玩... 好在叫做有兩本書頂一頂'' 雖然最尾都係扭計 之後就會等老師叫號碼, 去唔同既課室面見老師 (佢地會叫係同老師玩小遊戲, 其實即係考小朋友啦) 1. 老師會要求小朋友拉開椅子自己坐 (BABYLAU冇番PG, 我地冇特別TRAIN UP佢, 所以拉左小小就好心急坐, 唔係話坐得好好要幫佢糾正坐資) 2. 問小朋友叫咩名 (BABYLAU係好熟自己個名, 但面試就係睇小朋友臨場發揮, 佢跳制唔答... 媽媽個心都涼左) 3. 再問小朋友今日面試邊個同你一齊黎, 再指住家長 (咁好在識答媽媽) 4. 之後拎左個白色齒輪要求小朋友聽老師指令放番係對應既顏色上, 有紅、藍、黃、綠 (BABYLAU顏色係比較差D, 中左兩次, 錯左三次, 同佢冇心機玩...) 5. 之後拎張圖畫, 問小朋友圖中既物件/小動物/植物係咩 (好在答中唒.... ) 6. 再考小朋友眼、耳係邊要指出 (都答中唒) 7. 玩CUP印仔, 要CUP係書本圖案內 (BABYLAU都做到, 但唔大興趣)  8. 再送小禮物比小朋友要求識講謝謝 (係提水之下, 講左唔該, 之後再講謝謝) 9. 最尾要求小朋友泊番好張椅 (BABYLAU一早標左去... 因為佢8掛拎車仔上既顏色筆想畫畫) 咁老師都好好'' 拎左張紙比BABYLAU畫, 佢就好似係屋企咁畫下圈, 畫下線... 放飛自我 老師再問佢咩色黎嫁支筆... 明明黑答紅... 都預左..因為係屋企問佢顏色. 佢係咪都答紅=.= 咁最尾就同老師揮手BYEBYE, 都好在佢肯同老師HIGH FIVE 靈糧堂既面試對小朋友黎講都係輕鬆 (不過出左好大狀況BABYLAU爆喊) 報到左之後會請家長同小朋友排隊等入去一間課室玩下玩具熱身先 而再之後會入到另一間課室 會有三位 - 應該係主任同校長 坐係度拎住板準備比分 咁成個過程都係唱遊形式既 但可能因為BABYLAU有D眼訓都搵媽媽 (叫左爸爸陪入去IN) 所以佢爆喊 爸爸話基本上冇IN過 就出番黎啦 =V=  而最尾... 啟思、迦南 我地有PM OFFER '' 而靈糧堂當然好正常係冇OFFER既 咁最尾我地TAKE左迦南*V* 因為一直呢間都係MAMALAU既首選!! 都嘗試入左封轉AM信... 咁就睇5/6月時轉唔轉到上午班啦