終於來到臨別的一週，很想為這個安樂窩留下一個印記。 點解無端端搬入 #西貢? 有一天有人話不如去西貢睇樓咯，一日睇咗三間，如是者呢度就係我哋當日睇嘅第三間，當時out budget 左少少，但係俾屋外環境所吸引，就係咁我哋就搬咗入嚟自己第一個家了 門前好風光  數年前屋前的小樹苗，現在已經紥根成小樹,仲遮埋我個小海景... 由於花園響東，冬天時份每日可以睇住個太陽升起，日光逐漸照入客廳，就算幾眼瞓都會醒醒神 初時搬入去時我哋仲好好興致每朝晨運放狗，再煮埋早餐俾大佬Be食先出門口返工 鄰舍關係? 我好記得拎鎖匙嘅時候2/F果家仲未返英國，佢哋響露台探頭出嚟同我哋打招呼welcome 我哋，響大囡出世果陣仲買咗份禮物送俾阿囡，呢個舉動令我哋好impressed 曾經 #山竹 打風果陣，由於有大樹冧咗擋住咗主要出入口，成班左鄰右里無分國籍合力一齊移開障礙物，一齊幫手清理條路等清潔姐姐唔洗咁辛苦 而且果次打風仲令部分鄰居停電，有位陀住龍鳳胎嘅準媽媽拎住一大袋滴雞精好徬徨，大家無受停電影響嘅村民紛紛爭住幫佢雪住啲補品先 除咗我哋樓上1/F果家，左右兩旁的鄰居流動性不大，可能呢度真係風水好 後來我哋做咗個 #非正式統計，搬入嚟呢個山頭嘅young couples 好多隔幾個月就聽到佢哋大肚嘅消息...  包括果位龍鳳胎媽媽,睇住佢搬入嚟，睇住佢大肚! 我哋呢個山頭狗多、小朋友多、工人姐姐多⋯ 疫情停課、work from home, 玩到無嘢玩就大家交換功課做 富貴的工人姐姐？ 除咗我家短暫出現的工人姐姐，呢度嘅工人姐姐真係個個都係做咗10+嘅年資！ 一係僱主返老家，一係自己做到退休返家鄉⋯有時見佢哋朝早成班約埋一齊放狗野餐，真係好寫意 可能佢哋響呢個山頭打咗咁耐工好少見新面口，所以佢哋好鐘意同我哋傾計，有個富貴姐姐好鐘意同我哋分享佢嘅投資心得，仲叫我哋教佢用 #淘寶 方便入貨做買賣， 真係唔可以睇小呢班富貴天文台！ 平衡時空的山頭？ 我哋成日取笑自己活於 #平衡時空，因為一轉入條村彷彿與世隔絕，沒有熙來攘往的人群，沒有交通繁忙的嘈雜聲，只有風聲鳥聲同嬋聲⋯ 所以我哋一出市區絕對有 #人群恐懼症 。 放養的自來狗？ 有隻 #mixedbreed 名叫蕃薯嘅狗仔好鐘意”扮迷路”，自從我哋發散唔同群組幫佢搵返主人後，唔知佢係咪覺得我哋呢度又有人陪佢玩又俾水佢飲，間唔時就去我哋屋企附近徘徊，有次一隻疑似蕃薯嘅狗帶埋個朋友仔出現我家門前嚟一齊扮迷路agin,成功誘騙隊友+鄰居夫婦同佢哋行落市中心do晶片搵主人，可惜差不多到市中心蕃薯主人先應機 ，蕃薯，又係你呀 Reflection  給這個屋子朋友的一番話： 雖然你啲去水有啲問題，啲渠又有啲老化，希望你嘅屋主之後會好好保養你先交俾新主人啦 我哋要搬走喇，多謝你陪咗我哋7年啊 多謝您見證大小公主嘅出現 多謝您嘅小花園俾大佬Be可以跑跑跳跳 多謝您的神奇地段，出面明明落雨但係屋企附近可以無雨 蕃薯，記得唔好再咁貪玩自己周圍走出去喇 再見喇，朋友 Follow us #mimimomoma 齊齊 mi mi mo mo explore  #mimimomoexplore #happykids #快樂童年 #hkparents #親子日常 #MRsisterhood  #村屋 #西貢村屋 #村屋小孩