超期待以全新面貌登場嘅《MOKO動樂園》戶外兒童遊樂場，將於11月19號開幕，我哋已經率先去咗試玩啦！ 《MOKO動樂園》佔地近18000尺，並以雀鳥同埋花卉為主題，集合咗旺角著名雀仔街同花墟嘅特色，帶嚟一系列生動有趣嘅雀鳥主題遊樂設施，特別適合3至13歲小朋友入園玩。個人推薦必玩嘅有8米高大型遊樂設施、50米嘅全港最長攀爬牆 、由山丘山洞組成嘅探索隧道 ，同埋6組唔同高度嘅滑梯等。 而場內更設有4大專區共9項設施，包括：  1.     玩樂專區 雀仔滑梯大冒險： 8米高嘅大型遊樂設施設有不同難度嘅項目，例如有3.8米高嘅巨型滑梯 (超有速度感)   + 縱橫交錯嘅6組滑梯，比小朋友挑戰。     動感攀爬天地： 特設全港最長近50米嘅攀爬牆，牆上特意以旺角特色花卉設計，包括罌粟花、豌豆花、鬱金香同牡丹花等，場內更附有詳細嘅介紹，寓教於樂。   探索專區 親子互動小山丘： 由唔同山丘山洞組成嘅探索隧隊，比小朋友任意爬行、左穿右竄、你追我躲，冒險感滿分，而且山丘特以循環再用安全地墊製成，安全又環保。                                 童遊雀仔屋： 小朋友可以走入雀仔屋遊玩打卡。   3. 教育專區 活力充電區： 安裝多架充電健身動感單車，更設附帶電子充電座，只需自備充電線即可免費使用，鼓勵親子多做運動，把再生能源融入日常生活中，加強環保意識。 自然生態區： 地上以生動插畫形式表達鸚鵡繁殖同成長過程，場內亦配有文字描述幾種鸚鵡種類同成長過程。另外亦有動植物生態嘅冷知識，透過簡單吸睛嘅圖畫將背後意念輕易帶出，從而達致邊玩邊學。   4. 休憩及打卡專區 奇趣打咭牆：特設打咭位，影相靚之餘仲可以紀錄難忘玩樂時刻。至於休閒空間，園內提供唔小休閒空間同樣善用綠化資源。 另外，喺開幕期間更有一系列嘉年華活動助慶添。  總結：呢度係集探索、教育、休憩同玩樂體驗，絕對係小朋友放電嘅好去處！   溫馨提示： - 公園比較新，人流會多，建議待反應熱情過後先嚟玩。 - 保護環境，自己垃圾，自己帶走。 - 請做好防曬或防蚊措施。 - 疫情緩和都唔可以鬆懈，記得勤手洗/搓手，勿摸眼、口、鼻。 ========================================= 【MOKO 新世紀廣場 ｜「MOKO動樂園！」】 開幕詳情： 地點：MOKO L3樓層戶外露天遊樂場 (近Food Opera) 日期：2021年11月19日正式開放 時間：上午10時至晚上7時   開幕嘉年華活動︰ 日期︰11月19至21日、27及28日、12月24至26日 時間︰下午2時至5時 地點︰MOKO L4樓層 JOY@MOKO 查詢：2397 0790  =========================================  （以上資料更新至撰文當日） 聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩MeWe，歡迎追縱： https://mewe.com/p/AllAboutAlfred/ 追踪更多育兒生活分享，請按 Alfred 成長日記