想試呢間omasake好耐，因為平時帶仔仔上堂嘅必經之路，但如果地鐵站行過去就大約8-10分鐘左右！   這間吸引之處由入行19年造詣深厚Michael主理，其師傅更為前日本首相橋本龍太郎之御廚松戶利雄先生！     難得好朋友聚會，豪一次！ 我哋試了 $980 omasake套餐，師傅先送上自家製蘿蔔及薑，可以清一清胃口，也介紹給我們今日的料理都由日本豐洲魚市場入貨及以白神山水烹調，以發揮珍貴食材的質素！   一道道精緻嘅菜式見著師傅逐樣整，再逐一介紹！   #前菜 ▫️蒸南瓜 ▪️日式蒸蛋 超級滑溜   ▪️柚子蘿蔔白子 白子係紅性銀雪魚精子，含豐富嘅蛋白質，食落好滑好juicy. 第一次食，真係令我難忘嘅味道！   #2點刺身 ▫️青檸汁 北海道帶子 點 醬油/ Wasabi 帶子非常之厚身而且新鮮，真係超級懷念日本嘅感覺 ▪️自家製海膽粉立魚 點配 酸汁 上面裝飾嘅食用花紫蘇葉，加落酸汁一齊點醬食，更提鮮！   #多款壽司  ▫️中トロ（吞拿魚）超級滑 ▪️大トロ （吞拿魚嘅頸部-比較稀有）   ▫️紋甲魷魚壽司 好爽口 ▪️深魚池魚壽司 魚腩部位，入口好爽、好清甜 ▫️左口魚壽司 藝術品般, 上面配以吞拿魚蓉、吞拿魚邊及少少蔥花，色彩繽紛，食落有多種口感，難忘嘅味道，好想食多一件！ ▪️赤身壽司 是吞拿魚背，非常厚身，食落好淋，好豐富 ▫️秋刀魚 時令之壽司  ▪️馬糞海膽壽司 驚喜之壽司‼️ 好大塊海膽，超級鮮甜，仲食到少少嘅海水味，真係每一口都好幸福!   仲未完.............. 再來一客 熱食：#西京銀鱈魚 鱈魚超滑，配上甜甜的西京燒汁    最後啦⋯⋯送上熱熱嘅麵豉湯，令可選即磨咖啡或者甜品（卷蛋），完美作結！   值唔值得食？ 我覺得整個午聚非常之完美~ 能夠享用到師傅用心美味嘅發辦 同朋友能夠靜靜咁傾偈傾足全程 滿足嘅一個午聚 係好值得！     ————————————   喜歡我哋嘅分享，請Like Facebook 海馬仔成長日記  │ 亦歡迎大家電郵聯絡我們試用產品或出席活動~ =====海馬仔Channel===== Facebook │ Instagram │ Blogspot│Girlssss SundayKiss│ Ohpama.com│ Cook1Cook│MamiDaily Mamibuy │ ESDLife │ 媽媽經 │ 親子集合#tagmum  ilovemama │ She.com│U Blog│WeShare│Pixnet 部落格